'रेखा थापाजस्तो युवा नेतृत्वलाई हतोत्साहित गर्ने कमल थापा प्रवृत्तिलाई बढार्नुपर्छ'

  • मंसिर १७, २०७८
  • ४८५ पटक पढिएको
  • सुबिन बिश्वकर्मा
alt

यहाँ दुई पात्रको चर्चा हुनेछ । पहिलो कमल थापा र, दोस्रो रेखा थापा । कुरा सुरु गरौं, यी दुई पात्रसँग सम्बन्धित विषयवस्तुबाट । सन्दर्भ हो– राष्ट्रिय प्रजातन्त्र पार्टीको एकता महाधिवेशन । राप्रपाले नेपालमा तीस वर्षे लामो राजनीतिक इतिहास बोकेको छ । अलि कडा शब्दमा भन्नुपर्दा, ’धर्म’को नाममा राजनीति गर्दै आएको यस पार्टीको नेतृत्व चयनका लागि भोलि बिहान ७ बजेदेखि मतदान हुँदैछ । वर्तमान अध्यक्ष कमल थापा र युवा नेता राजेन्द्र लिङ्देनको प्यानलबीचमा हुन लागेको यस चुनावलाई नेपाली राजनीतिले तीखो नेत्रले नियालिरहेको पाइन्छ । 

अब मुख्य विषयवस्तुमा प्रवेश गरौं । हुन त चुनाव अघि आफ्नो प्रतिपक्षीलाई नानाथरी आरोप–प्रत्यारोप लगाएर आफ्नो छाप राम्रो बनाउन नौलो कुरा हैन । यद्यपि कुन हदसम्म गर्ने भन्ने मुख्य कुरा हो । रेखा थापा पछिल्लो केही समययता अभिनेत्री कम नेत्री ज्यादा भएकी छन् । अहिले त उनी राप्रपाको संघीय महामन्त्री पदको उमेदवार नै हुन् । राजेन्द्र लिङदेनको प्यानलबाट राप्रपाको महामन्त्री बन्ने चाहनासहित उनी अहिले चुनावी प्रचारमा व्यस्त छिन् । आफूलाई हिन्दूवादी प्रमाणित गर्न उनले चुनावी प्रचारमा त्रिशूल आकारको टिका लगाएको तस्वीरको प्रयोग गरेको देखिन्छ । रेखा राजनीतिक रूपमा कत्तिको अब्बल र क्षमतावान हुन् भन्ने कुरा विपक्षी प्यानलले गौण बनाइदिएको छ । गौण यस मानेमा कि कमल थापा प्यानलले यतिबेला रेखाले एक वर्षअगाडि बोलेको गणतन्त्रवादी अभिव्यक्तिलाई चुनावी मसला बनाइरहेका छन् ।

 उनी आबद्ध प्यानल अर्थात् लिङदेनको राजनीतिक नारा संवैधानिक राजतन्त्र र हिन्दू राज्य नै हो । अध्यक्षका अर्का उमेदवार कमल थापाले संवैधानिक राजतन्त्र र हिन्दूराज्य स्थापनाका लागि लिङ्देनले काम गर्न नसकेको दाबी गरिरहेका छन् । त्यसमाथि रेखाको त्यो अभिव्यक्तिले आगोमा घ्यु थपेको छ किनभने लिङ्देन प्यानलकी उम्मेदवार रेखा भने गणतन्त्रको पक्षमा उभिएको भन्ने खालको अभिव्यक्ति अहिले भाइरल भइरहेको छ । अझ भनौं, भाइरल बनाइराखिएको छ । अझ यसमा चाखलाग्दो कुरा के छ भने, रेखाले गणतन्त्रको पक्षमा दिएको अभिव्यक्तिलाई भाइरल बनाउन अध्यक्षका प्रत्यासी कमल थापासमेत सक्रिय देखिएका छन् । उनले रेखाको त्यो आधा क्लिप कट गरेर सामाजिक सञ्जालमा लेखेका छन्, ’हा हा नो कमेन्ट ।’

भिडियोको वास्तविकता के थियो ?
एपिवान टेलिभिजनको कार्यक्रम ग्ल्यामर गफमा धर्मसंकट ’सेगमेन्ट’मा अतिथिले दुई÷तीन विकल्पमध्ये एक रोज्नुपर्छ । यही क्रममा उनले कमल थापा कि विप्लव भनेर सोध्दा उनले उत्तर दिइनन् । प्रचण्ड कि विप्लव भनेर सोध्दा उनले विप्लवलाई छानेकी थिइन् । अर्को विकल्पमा कमल थापा र गगन थापाबीच एक रोज्न दिँदाचाहिँ कमल थापा रोजेकी थिइन् । धर्मसंकट सोध्दै जाँदा प्रस्तोताले सोधे ’राजतन्त्र कि गणतन्त्र ?’ उनले गणतन्त्र छानिन् । प्रस्तोताले फेरि राप्रपाको नेता भएर गणतन्त्र रोज्ने भनेर सोधे । उनले भनिन् ’मैले आम नागरिकको भाषा बोलेको हो । पार्टीको सिद्धान्त केहीलाई चित्त नबुझेको पनि हुनसक्छ ।’ बुझ्नैपर्ने कुरा के भने, उनले कार्यक्रममा आफू राप्रपाको नेताको रूपमा नबोली कलाकार रेखा थापाको रूपमा अन्तर्वार्ता दिन आएकाले गणतन्त्र रोजेको व्याख्या गरिन् ।

’ गणतन्त्रमा कुनै पनि बच्चा जन्मँदै गर्दा यो देशको कार्यवाहक हुने अधिकार लिएर जन्मन्छ । गणतन्त्रमा लागेको कुरा, वाक स्वतन्त्रता हुन्छ । मालिक बन्ने एक व्यवस्था हो गणतन्त्र । त्यसैले मलाई गणतन्त्र मन पर्छ ।’ प्रस्तोताले अर्को प्रश्न सोध्छन् ’हिन्दू राष्ट्र कि धर्म निरपेक्ष ?’ यसमा उनले पार्टीकै लाइनमा उभिएर हिन्दू धर्मको पक्षमा उभिइन् । हिन्दू राष्ट्र देशको पहिचान भएको र ओमकार परिवारका सदस्य धेरै भएकाले नेपाललाई विश्वमा हिन्दू राष्ट्र भनेर चिनाउँदा केही फरक नपर्ने तर्क गरिन् । उनले हिन्दु राष्ट्र बनाउँदा पनि केही फरक नपर्ने तर्क गरिन् । अहिले भाइरल भइरहेको भिडियो क्लिपमा उनले धर्मबारे बोलेको राखिएको छैन । उनले गणतन्त्रबारे बोलेको तर्क कमल थापाले आफ्नो फेसबुक र ट्विटरमा राखेका छन् । 

यसबाट अरुले के बुझ्नेछ, थाहा भएन । मैले बुझेको कुराचाहिँ के हो भने कमल थापाले राप्रपा अध्यक्षको स्वाद एक पटक हैन, पटकपटक लिइसकेका छन् । उनी फेरि अध्यक्ष भएर पार्टीभित्र सर्वसत्तावाद लाद्न खोजिरहेका छन् । यसको अर्को फेहरिस्तको रूपमा डा. प्रकाशचन्द्र लोहनी र पशुपतिशमशेर जबरालाई लिन सकिन्छ । जो नयाँ नेतृत्वलाई पार्टीको भविष्य सुम्पिनुपर्छ भन्ने आधारसहित लिङ्देन प्यानललाई समर्थन गरेर हिँडेका छन् । फेरि रेखाकै कुरा जोडौं । रेखा चलचित्र अभिनेत्री हुन् । चलचित्रमार्फत् समाजका विभिन्न पात्रहरुको अभिनय गरेरै भएपनि थुप्रै थरीका व्यक्ति र प्रवृत्तिको बारेमा भोगेको उनको तर्क छ ।

उनले अक्सर भन्ने गरेकी छन्, ’फिल्ममा थुप्रैखाले जीवन बाच्न पाएँ, भुइँ मान्छेको जीवन परिवर्तनका लागि राजनीति गर्नुपर्ने रहेछ भनेर बुझेर राजनीतिमा आएकी हुँ । यस मानेमा पनि राजनीति त्यति नबुझेकी नेत्री हुन्, रेखा । तर कमल थापा राजनीतिका पुराना खेलाडी हुन् । उनी ’टेस्टेड’ नेता हुन् । ६ पटक मन्त्री भइसकेका छन् । तर उनको मन्त्री पदले पनि जनजिविकामा खासै प्रभाव नपरेको इतिहास छर्लङ्ग छ । अनि रेखा जत्तिको युवा नेतृत्वलाई एकपटक टेस्ट नगर्ने ? कि उनीजस्ता व्यक्तिलाई नेतृत्वमा आउन नदिन विभिन्न लाञ्छनाले हतोत्साहित गरिराख्ने ? कार्यकर्ताले गर्नु स्वाभाविक होला, कमल थापा जत्तिको दिग्गज राजनीतिज्ञले गर्न सुहाउला ? हो, त्यसैले रेखा थापाजस्तो युवा नेतृत्वलाई हतोत्साहित गर्ने कमल थापा प्रवृत्तिलाई बढार्नुपर्छ ।

प्रतिक्रिया दिनुहोस

महिला सञ्जालका गतिविधि गाउँगाउँमा पुर्याउन इटहरीकी उपमेयर संगीता चौधरीको आग्रह

इटहरीः इटहरी उपमहानगरपालिकाकी नव निर्वाचित उपमेयर संगीता कुमारी चौधरीले महिला संजालका गतिविधी गाउँगा ...

खेलाडीको विवरण संकलन गर्दै प्रदेश खेलकुद विकास बोर्ड

इटहरीः प्रदेश नम्बर एक सरकारको सामाजिक विकास मन्त्रालय अन्तर्गत रहेको प्रदेश खेलकुद विकास बोर्डले प् ...

गरिमा बैंकको वित्तीय साक्षरता कार्यक्रम इटहरीमा सम्पन्न, एक सय तीस बढीलाई बैंकिङ्ग शिक्षा

इटहरीः नेपाल राष्ट्र बैकबाट ‘ख’ बर्गको वित्तीय कारोबार गर्न इजाजत पाएको गरिमा विकास बैँक ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
 
 
  • प्रबन्ध सम्पादकः प्रेमप्रसाद बास्तोला
  • प्रबन्धक :शुसिला उप्रेती
  • कार्यकारी सम्पादक :प्रकाश बञ्जरा
  • सह सम्पादक :शिशिर भट्टराई
  • प्रमुख संवाददाता :सुबिन बिश्वकर्मा
  • मार्केटिङ प्रमुख :देवराज पुरी
 

Copyright © 2018 / 2022 - Pradeshportal.com All rights reserved