इटहरीः इटहरीमा सिटी सफारी चढेर आएका एक युवकले शनिवार साँझ इटहरीमा खुकुरी प्रहार गरि अर्का एक युवकको हत्या गरेका छन् ।
इटहरी उपमहानगरपालिका वडा नम्बर ७ बज्राहा निवासी रामकुमार नामले चिनिने २५ बर्षीय भिम पण्डितको हत्या भएको हो । साईलकमा हिडिरहेका उनलाई चुपचाप सिटी सफारीमा आएका स्थानीय उमेश चौधरीले खुकुरी प्रहार गरी हत्या गरेको इलाका प्रहरी कार्यालय इटहरीले जनाएको छ ।
पण्डितलाई चौधरीले रामजानकी चौकमा खुकुरी प्रहार गरेका थिए । स्थानीयको सहयोगमा चौधरीलाई प्रहरीले घटनास्थबाटै पक्राउ गरेको छ । खुकुरी प्रहार गरि युवकको हत्या भएपछि स्थानीयहरु त्रसिद भएका थिए । प्रहरी नियन्त्रणमा रहेका चौधरीमाथि आवश्यक अनुसन्धान भईरहेको प्रहरीले जनाएको छ ।
_1720278409.jpg)
