सन्तानले समेत कृषिमै सम्भावना देखून् भन्ने चाहना गर्ने यी हुन् धनकुटाका युवा किसान

  • पुस २७, २०७५
  • ९२९ पटक पढिएको
  • कविराज घिमिरे
alt

धनकुटाः धनकुटाको तत्कालीन कुुरुलेतेनुपा गाविसलाई धनकुटाको कर्णाली भनेर चिनिन्छ । शिक्षा, स्वास्थ्य, सडक, खानेपानीलगायतका विभिन्न समस्या देखाउँदै अवसर र सुविधाको खोजीमा यहाँबाट सुगम क्षेत्रमा बसाइँ सर्ने क्रम तीव्र छ ।

गाउँमा भविष्य छैन भन्दै बसाइँ सर्दा गाउँ नै रित्तिने अवस्थामा पुगेको छ । तर काम गरे यहीँ पनि प्रशस्त सम्भावना छ भन्ने उदाहरण दिँदै कुरुलेका दीपक दाहाल बाख्रा पालनबाट आफ्नो भविष्य खोजिरहेका छन् ।

चौबिसे गाउँपालिका बडा नम्बर ३ कुरुलेका दीपक दाहालले बाख्रा पालन शुरु गरेको ६ वर्ष भएको छ । एक समय जिल्लाकै शिक्षित व्यक्तिको बसोबासभूमि भनेर चिनिने कुरुलेतेनुपाबाट पछिल्लो समय धेरै मानिस बाहिरिए पनि उनी भने बाहिरिएनन् ।

bakhrapalan dkt pradeshportal

उनी कुरुलेमै बाख्रा पालनमा आफ्नो भविष्य खोजिरहेका छन् ।
दाहालको समकक्षी गाउँमा कोही पनि भेटिँदैनन् । न त नयाँ पुस्ता नै भेटिन्छन् । तर उनी भने बाख्रा फार्ममै रमाइरहेका भेटिन्छन् । गाउँभन्दा अलि तल करिब ५० रोपनी क्षेत्रफलमा आधुनिक खोर बनाएर उनले करिब २ सय बाख्रा पालन गरेका छन् । बाख्रा पालन तत्कालको लागि भन्दा पनि दीर्घकालीन आम्दानीको राम्रो स्रोत भएको उनको भनाइ छ । उनी भन्छन्, ‘अहिले लगानी गरेर भरे नै प्रतिफल प्राप्त हुन्न । तर दीर्घकालमा आम्दानी राम्रो दिन्छ ।

bakhrapalan dkt (3)

आफ्नो गाउँमा सम्भावना छैन भन्दै अवसरको खोजीमा बसाइँ सर्ने चलन बढिरहँदा दाहालले गाउँमै शुरु गरेको बाख्रा पालन व्यवसाय निकै प्रशंसायोग्य छ ।
गाउँमा शुरुशुरुमा बाख्रा पालन गर्न अलि समस्या भए पनि अहिले कुनै समस्या नरहेको उनी बताउँछन् । सामान्य बाटो पुगेपछि बाख्रा किन्न व्यापारी गाउँमै पुग्ने गरेका छन् । उनलाई न त बजारको समस्या छ न त बाख्राको लागि चाहिने घाँस, अन्न दानापानी ल्याउन नै समस्या छ ।

bakhrapalan dkt (2) -
सवारी साधन उनको फार्मसम्म नै पुग्ने गरेको छ । उनले अहिले खर्च कटाएर वार्षिक ८ लाख रुपैयाँ आम्दानी गर्दै आएका छन् । गाउँ छाडेर बसाइँ सरी जानेलाई यहीँ प्रशस्त सम्भावना भएको भन्दै गाउँ फर्किएर जग्गा बाँझो नराखी कृषिकर्म गर्न सुझाव दिन्छन् । ‘जग्गाजमिन बाँझो नराखी जे गरे पनि आम्दानी दिन्छ’, उनी भन्छन् ।
उनले बोयर जातको बोका, बाख्रा र आधुनिक खोर जग्गा आदिको लागि करिब ३५ लाख रुपैयाँ खर्च गरिसकेका छन् । लगानी अझै बढाउँदै जाने उनको सोच छ । उनले भने, ‘अझै लगानी गर्छु । आफ्ना सन्तानले पनि कृषिमै भविष्य खोजून् भन्ने चाहना छ ।’

bakhrapalan dkt (1) - Copy copy

Maghesankranti Mahotsav

 

प्रतिक्रिया दिनुहोस

भूकम्प दिवसमो इटहरी ...

इटहरीः इटहरीलाई भूकम्पीय दृष्टिले सुरक्षित शहर बनाउन भवन निर्माण संहितालाई कडाइका साथ कार्यान्वयन गर ...

इँटाभट्टाबाट ६ बालमज ...

विराटनगरः मोरङको कटहरी गाउँपालिकामा सञ्चालित एक इँट्टाभट्टाबाट श्रम गरिरहेका ६ जना बालकको उद्धार गरि ...

ढिलासुस्ती र गल्ती ब ...

फाइल तस्बिर झापाः नेपाली काङ्ग्रेसका नेता कृष्णप्रसाद सिटौलाले प्रधानमन्त्रीलाई आत्मसमीक्षासहित ढिल ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
  • प्रधान सम्पादक: राजेश विद्रोही
  • महाप्रबन्धकः बद्री प्रसाद पोख्रेल (भिखारी)
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण बहाब भट्टराई
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)
  • लेखाः समीक्षा केसी
  • संवाददाताः कविराज घिमिरे, धनकुटा

Copyright © 2018 / 2019 - pradeshportal.com All rights reserved