इटहरीः धरान–६ पानवारीस्थित जनजागरण टोलमा एक व्यक्ति मृत फेला परेका छन् ।
सोही स्थान बस्ने ४२ वर्षीय नेत्रबहादुर मगर आफ्नै घर अगाडि कुलोमा मृत अवस्थामा फेला परेको प्रहरीले जनाएको छ ।
शारीरकरुपमा राम्रोसँग हिँडडुल गर्न नसक्ने उनी मृत फेला परेको प्रहरीले जनाएको छ । अहिले शव आफन्तले बुझेर लगिसकेको प्रहरीले जनाएको छ ।
यसैबीच धरानमा धारिलो हतियार प्रहार हुँदा एकजना घाइते बनेका छन् ।
धरान–१४ गणेशचौकमा धरान–१४ का २३ वर्षीय दीपक परियारले धरान–१५ बस्ने २६ वर्षीय ओम सुनुवारलाई धारिलो हतियार प्रहार गरी घाइते बनाएको इलाका प्रहरी कार्यालय धरानले जनाएको छ ।
पुरानो रिसीबीको कारणले धारिलो हातियारले टाउकोमा प्रहार गरी घाइते भएका उनको धरानस्थित बीपी प्रतिष्ठानमा उपचार भइरहेको प्रहरीले जनाएको छ । धारिलो हतियार प्रहार गरी परियार फरार रहेको प्रहरीले जनाएको छ ।
_1720278409.jpg)
