मोरङको हरियाली सामुदायिक वन देशकै उत्कृष्ट वन, राष्ट्रिय पुरस्कारबाट पुरस्कृत

  • श्रावण ४, २०७६
  • २३४ पटक पढिएको
  • प्रदेश पोर्टल
alt

पथरीः मोरङको पथरीशनिश्चरे नगरपालिका वडा नम्बर २ मा रहेको हरियाली सामुदायिक वन उपभोक्ता समूह देशकै उत्कृष्ट सामुदायिक वन बनेको छ ।

वन तथा भूसंरक्षण विभागद्वारा गत असार ३१ गतेका दिन आयोजित एक कार्यक्रमका बीच वन तथा वातावरण मन्त्री शक्तिबहादुर बस्नेतले गणेशमान सिंह सामुदायिक वन राष्ट्रिय पुरस्कारबाट सो वनलाई पुरस्कृत गरेका हुन् ।

हरियाली सामुदायिक वन उपभोक्ता समूहले देशका २२ हजार सामुदायिक वनलाई पछि पार्दै १ नम्बर प्रदेशमै पहिलो पटक १ लाख रुपैयाँ राशीको गणेशमान सिंह सामुदायिक वन राष्ट्रिय पुरस्कार प्राप्त गरेको हो ।

पुरस्कार पाएपछि वन उपभोक्ता समितिले पत्रकार सम्मलेन गरी पुरस्कारको बारेमा जानकारी गराएको हो । उपभोक्ता समितिका अध्यक्ष काबुल मगरले सो वन २ सय ४५ दशमलव ९४ हेक्टरमा फैलिएको र २०७१ पुसमा उपभोक्ता समितिमा हस्तान्तरण भएको जनाए ।

सो वनले यस अघि पनि गणेशमान सिंह सामुदायिक वन राष्ट्रिय सान्त्वना पुरस्कार २०७५, मोरङ जिल्ला वन प्रथम पुरस्कार २०७५, मोरङ जिल्ला वन दोस्रो २०७४ र जिल्ला वन कार्यलयबाट सान्त्वना पुरस्कार २०७३ सालमा हात पारिसकेको छ । कुल १ हजार २८ घरधुरी उपभोक्ता सदस्य रहेको यस वनले गरिबी न्यूनीकरण कार्यक्रमलाई विशेष जोड दिएको छ ।

सो कार्यक्रम सञ्चालन गर्नका लागि वनले आर्थिक वर्ष २०७४÷७५ देखि हरेक वर्ष ५ लाखका दरले थप हुने गरी घुम्ती कोष सहुलियत ब्याजदरमा उद्यमशील उपभोक्ता सदस्यलाई लगानी गर्दै आएको छ । यसका साथै वनले उपभोक्ता सदस्यलाई अन्य सीपमूलक तालीमको समेत अवसर प्रदान गर्दै आएको बताइएको छ ।

सो वनले सामाजिक तथा संस्थागत विकासमा समेत सेवा प्रदान गर्दै आएको पत्रकार सम्मेलनमा जानकारी दिइएको छ । वनले आफ्नो क्षेत्रभित्र चरिचरन, डढेलो, चोरी तस्करी, फोहोरमैला जथाभावी फाल्ने काम पूर्ण रूपमा बन्द गरेको जनाएको छ ।

वन क्षेत्रमा पर्ने १ सय ३० ओटा कङ्क्रिट कपुरथान पूर्ण रूपमा भत्काएर २०७३ सालदेखि वैज्ञानिक वन व्यावस्थापनसम्बन्धी कार्ययोजना स्वीकृत गरी क्रमिक रूपमा कार्य थालनी गरेको जनाएको छ ।

प्रतिक्रिया दिनुहोस

मोरङको निगुरो काठमाड ...

बेलबारी: मोरङको पूर्वपश्चिम राजमार्ग देखि उत्तर तर्फको बनमा पाइने निगुराको माग काठमाडौँमा समेत बढ्न ...

शिवधारा–दुधपोखरी ...

  श्रावण लागे पछि देवताहरु पनि हिमाल तिर लाग्छन् भनिन्छ । विशेषता श्रावण महिनामा भगवान शिवको प ...

नयाँ वृन्दावन गाैसला ...

माेरङकाे सुन्दरहरैँचा नगरपालिका ५ स्थित राधेश्याम सेवा ट्रस्ट नयाँ वृन्दावन गाैसलामा गङ्गा अारतीकाे ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण बहाब भट्टराई
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2019 - pradeshportal.com All rights reserved