धरानः २५ औ विश्व आदिवासी दिवसको अवसरमा राष्ट्रिय आदिवासी जनजाति नगर महासङ्घ धरानले रक्तदान कार्यक्रम गरेको छ ।
धरानको भानुचोकस्थित लोकतान्त्रिक चौतारीमा भएको कार्यक्रममा ३० पिन्ट रगत सङ्कलन भएको महासङ्घका अध्यक्ष चन्द्रकला प्रधानले बताइन् । कार्यक्रममा आदिवासी जनजाति विकास समिति धरानका संयोजक नरेश इवारमको प्रमुख आतिथ्यमा भएको हो । कार्यक्रममा राष्ट्रिय आदिवासी जनजाति महिला महासङ्घ जिल्ला समन्वय परिषद सुनसरी अध्यक्ष सङ्गीता सुब्बा पूर्व अध्यक्ष कल्पना शेर्पा र रमला तामाङ उपस्थित थिए ।
त्यस्तै, आदिवासी सरोकार समाजका अध्यक्ष सुजेन्द्र तामाङ, आदिवासी जनजाति नगर महासङ्घ सचिव हेमराज जिमी, सल्लाहकार तेन्जिङ शेर्पाका साथै विभिन्न जातीय संस्थाका प्रतिनिधिको कार्यक्रममा उपस्थिति थियो ।
_1720278409.jpg)
