इटहरीः कृष्ण जन्माष्टमीको अवसर पारेर बालसदन एकेडेमीमा पूर्व प्राथमिक तहका विद्यार्थीलाई राधा र कृष्णको भेषमा सजाउनुका साथै नृत्य प्रस्तुत गरिएको थियो ।
सोही अवसरमा विद्यालयका अतिरिक्त क्रियाकलाप प्रमुख दिवाकर न्यौपानेले विद्यार्थीले भगवान् कृष्णले जस्तै सत्यको बाटोमा लाग्नुपर्ने बताए ।
कार्यक्रममा लाखे नाच पनि प्रस्तुत गरिएको थियो । कार्यक्रममा सम्पूर्ण विद्यार्थी उत्सुकतापूर्वक सहभागी भएका थिए । नेपाली समाजमा विद्यमान संस्कृति, परम्परा तथा विभिन्न समुदायका चाडपर्वको जानकारी दिने उद्देश्यले कार्यक्रम गरिएको विद्यालयले जनाएको छ ।
यस्ता कार्यक्रमले विद्यार्थीको चौतर्फी विकासमा पनि महत्वपूर्ण भूमिका खेल्ने हुनाले विद्यालयले यस्ता कार्यक्रम नियमित रूपमा आयोजना गरिरहेको भाइस प्रिन्सिपल सूर्य दंगालले बताए ।
_1720278409.jpg)
