धरान मेघा कलेजका विद्यार्थीलाई करियर काउन्सिलिङ

  • भदौ २३, २०७६
  • ६६ पटक पढिएको
  • प्रदेश पोर्टल
alt

धरानः धरान मेघा कलेजले विद्यार्थीहरूको ओरेन्टेसन तथा क्यारियर काउन्सिलिङ कार्यक्रम शनिबार सम्पन्न गरेको छ ।

कलेजको बीबीएस प्रथम वर्षमा भर्ना भएका विद्यार्थीलाई विषयगत महत्व र करियर निर्माणका विषयमा जानकारी दिन कार्यक्रम आयोजना गरिएको धरान मेघा कलेजका अध्यक्ष कैलाश सुब्बा आङ्देम्बेले जानकारी दिए ।

मेघा कलेजले विद्यार्थीहरूलाई पाठ्यक्रमबाहेक अन्य विषयमा पनि समान रूपमा शिक्षित गर्दै जाने अध्यक्ष आङ्देम्बेको भनाइ थियो । कार्यक्रममा बोल्दै प्रमुख अतिथि प्राध्यापक डाक्टर अशोककुमार झाले बीबीएस पढ्ने विद्यार्थीको भविष्य उज्ज्वल हुने र त्यसमा आफूलाई कति उत्कृष्ट बनाउने भन्ने जिम्मा विद्यार्थीमा नै भर पर्ने बताए । पढाइको सिलसिलामा हुने अन्तरक्रिया र अन्य क्रियाकलापले विद्यार्थीलाई उत्कृष्ट बनाउने भन्दै उनले धरान मेघा कलेजले विद्यार्थीका लागि अतिरिक्त कार्यक्रम सञ्चालन गरिरहेको बताए ।

कार्यक्रममा मन्तव्य राख्दै एम्स कलेज धरानका अध्यक्ष प्रकाश राईले विद्यार्थीले आज गरेको मिहिनेतले नै भोलि उनीहरूको र देशको भविष्य निर्धारण हुने बताए । मेघा कलेजले अहिले प्राप्त गरिरहेको नतिजाले मेघाको शैक्षिक गुणस्तरलाई विश्वास गर्ने आधार भएको उनको भनाइ थियो ।

कार्यक्रममा बोल्दै महेन्द्र बहुमुखी क्याम्पस धरानका उपप्राध्यापक तथा जनगायक किशोर थुलुङले अध्ययनले नै मानिसलाई परिपक्व बनाउने भन्दै अध्यनका क्रममा आउने अवरोध र समस्यालाई समाधान गर्दै एकेडेमिक लेभल पूरा गर्नुपर्ने बताए । अध्ययनका लागि पहिलेको जस्तो अप्ठ्यारो परिस्थिति अहिले नभएको भन्दै पढ्न र सिक्न चाहने विद्यार्थीका लागि असीमित अवसर भएको पनि उनले बताए ।

कार्यक्रममा बोल्दै महालक्ष्मी विकास बैंकका शाखा प्रमुख प्रबल श्रेष्ठले बीबीएस पढ्ने विद्यार्थीको भविष्यमा सम्भावनाहरू प्रशस्त हुने बताए । अध्ययनमा मिहिनेत र अठोट हँुदा बीबीएसका विद्यार्थी बेरोजगार बस्न नपर्ने उनको भनाइ थियो ।

कार्यक्रममा बोल्दै इलाका प्रहरी कार्यालय धरानका डीएसपी ढुण्डीराज न्यौपानेले अब कलेजका विद्यार्थीले समाज र राष्ट्रका लागि सकारात्मक सोच विकास गर्नु आवश्यक भएको बताए ।

धरानमा लागूऔषधको समस्यालाई नियन्त्रण गर्न अब कलेजस्तरबाट अभियान थाल्नुपर्ने उनले बताए । कार्यक्रममा मेघा कलेजका शिक्षक कर्मचारी, शेयर होल्डर तथा विद्यार्थीको उपस्थिति रहेको थियो ।

megha  (1)

 

प्रतिक्रिया दिनुहोस

पहिलो पाइलाको आयोजना ...

इटहरीः संविधान दिवसको अवसर पारेर पहिलो पाइला नेपाल सुन्दरहरैंचा शाखाले आज नगरव्यापी माविस्तरीय वक्तृ ...

संविधान दिवसको अवसरम ...

इटहरीः सामाजिक सेवाका लागि युवा अभियान (वाइएसएस) नेपाल सुन्दरहरैंचाले सुन्दरहरैंचा ७ को गोठगाउँ चोकम ...

धरानमा भोलिबाट पर्यट ...

धरानः ‘सहभागी बनौँ, अवलोकन गरौँ’ भन्ने नारासहित शनिवारबाट धरानमा तीन दिने इस्ट टुरिजम मा ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण बहाब भट्टराई
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2019 - pradeshportal.com All rights reserved