उर्लाबारीः मोरङको उर्लाबारी–६ मा स्थापित मोरङ मोडल कलेजले शुक्रबार नयाँ विद्यार्थीलाई स्वागत र अध्ययन पूरा गरेका विद्यार्थीलाई बिदाइ गरेको छ ।
कलेजका प्राचार्य श्याम बस्नेत र संयोजक केशव राईले स्वागत तथा बिदाइ गरेका हुन् । कक्षा ११ र बीबीएस पहिलो वर्षमा अध्ययनका लागि आएका विद्यार्थीलाई स्वागत तथा अध्ययन पूरा गरेका विद्यार्थीलाई बिदाइ गरिएको छ । सो अवसरमा विद्यार्थीले नृत्य र गायन प्रस्तुत गरी उपस्थित विद्यार्थी तथा अभिभावकलाई मनोरञ्जन प्रदान गरेका थिए ।
कार्यक्रम कलजेका प्रबन्ध निर्देशक यादव भण्डारीको प्रमुख आतिथ्यता एवम् कलेजका प्राचार्य बस्नेतको सभापतित्वमा भएको थियो । कार्यक्रमको सञ्चालन विद्यार्थी रोजी घिमिरेले गरेकी थिइन् ।
_1720278409.jpg)
