धरानः त्रिभुवन विश्वविद्यालयअन्तर्गत होटल म्यानेजमेन्ट सङ्कायको स्नातक तह (बीएचएम) पहिलो सत्रमा युएन कलेजकी छात्रा प्रदेश एकमै उत्कृष्ट नतिजा ल्याउन सफल भएकी छिन् ।
ऋतु राईले बीएचएम पहिलो सत्रमा ३ दशमलव ६९ जीपीए प्राप्त गरेर प्रदेशकै उत्कृष्ट नतिजा हात पारेकी हुन् । कलेजले सोमबार कार्यक्रम आयोजना गरी उनीसहित बीएचएम पहिलो सत्रमा उत्तीर्ण हुने विद्यार्थीहरूलाई सम्मान गरेको छ । यसअघि पनि होटल म्यानेजमेन्ट र म्यानेजमेन्टतर्पm युएनका विद्यार्थीहरूले उत्कृष्ट नतिजा ल्याउने गरेका थिए ।
कलेजका प्रिन्सिपल डम्बरकुमार तुम्बापोले सम्पूर्ण शिक्षक, विद्यार्थी र अभिभावकहरूको सामुहिक प्रयासबाट उत्कृष्ट नतिजा प्राप्त गरेको बताए । ‘यसमा शिक्षक, कर्मचारी, विद्यार्थी र अभिभावकहरूको पनि उत्तिकै योगदान छ’, उनले भने, ‘म सबैलाई हार्दिक बधाई तथा धन्यवाद दिन्छु ।’ उनले विद्यार्थीहरूलाई अभैm मिहिनेत गर्न आग्रह गरे ।
यस्तै, कलेज सञ्चालक समितिका प्रबन्ध निर्देशक ज्ञानेश्वर झाले पनि सफल विद्यार्थीहरूलाई यति सफलता नै पर्याप्त नभएको बताए । ‘जतिसुकै सफल भए पनि प्रगति गर्ने ठाउँ जहिले पनि बाँकी नै हुन्छ’, झाले भने, ‘मिहिनेत गरे थप सफलता प्राप्त हुनेमा कुनै शङ्का छैन ।’
कार्यक्रममा कलेजका होटल म्यानेजमेन्ट संयोजक गगन श्रेष्ठ र शिक्षक सुमन बास्कोटाले पनि बोलेका थिए ।
_1720278409.jpg)
