विराटचोकः प्रदेश नम्बर १ का मुख्य मन्त्री शेरधन राईले सुन्दरहरैंचाको विकासको लागि प्रदेश सरकारले सक्दो सहयोग गर्ने बताएका छन् ।
मोरङको सुन्दरहरैंचाको गछिया बजारमा आयोजित किरात चासोक तङ्नाम उँधौली पर्वलाई सम्बोधन गर्ने क्रममा उनले यस्तो बताएका हुन् । किरात राइ यायोख्खाको आयोजनामा भएको कार्यक्रममा प्रमुख अतिथि रहेका राईले सबै जातजातिको साझा फूलबारी रहेको नेपालमा यस्ता चाडपर्वले सबै मानिसमा प्रेम सद्भाव ल्याउने बताए ।
कार्यक्रममा प्रदेश सांसद राजकुमार ओझा, सुन्दरहरैंचा नगरपालिका नगरप्रमुख शिवप्रसाद ढकाल, उपप्रमुख धनमाया तामाङलगायतका जनप्रतिनिधि तथा विभिन्न सङ्घ संस्थाका प्रतिनिधि, राजनीतिक दलका प्रमुख तथा प्रतिनिधिको सहभागिता रहेको थियो ।
कार्यक्रममा किरात समुदायमा नाचिने विभिन्न नृत्य प्रदर्शन गरिएको थियो ।
