बङ्गलादेशसँग निर्यात बढाउन छलफलमा प्रदेश सरकार

  • पुस ४, २०७६
  • ३२१ पटक पढिएको
  • प्रदेश पोर्टल
alt

इलामः बङ्गलादेशसँग सबैभन्दा नजिकै सिमा रहेको प्रदेश एकले निर्यात बढाउन छलफल अगाडी बढाएको छ । विसं २०५४ भदौ १४ गते नेपाल र बङ्गलादेशबीच द्वि–पक्षिय सम्झौता गरी पूर्वी नाका काँकडभिट्टाबाट भारतको फूलबारी भन्सार हुँदै बङ्गलादेशको बङ्गलाबन्ध व्यपार सुरु भएको थियो । सोही नाकाको प्रयोगबाट दुवै देशबाट आयात निर्यात हुँदै आएको छ । बंगलादेशको बजार भौगोलिक रुपमा नजीक भएको कारण नेपालका उत्पादनहरु छिटो पु¥याउन र त्यसबाट लाभ पाउन अन्य प्रदेशको तुलनामा प्रदेश नम्बर एकलाई सहज हुने इलाममा आयोजित छलफलका सहभागीहरुको कार्यपत्रमा उल्लेख गरिएको छ । सुर्योदय नगरपालिकाको आतिथ्यतामा मुख्यमन्त्री तथा मन्त्रि परिषदको कार्यालय, नेपाल उद्योग वाणिज्य महासंघ र नेपाल कृषि बजार विकास कार्यक्रमले बङ्गलादेशसँगको व्यपारमा प्रदेश एकको संभावनाको बिषयमा आयोजना गरेका कार्यक्रमका सहभागीहरुले बंगलादेश र नेपालको व्यपारमा प्रदेश एकको संभावनाको बारेमा छलफल सुरु गरेका हुन् ।
२२ बर्ष अघि नेपालले भारत र बङ्गलादेश सरकारसँग काँकडभिट्टा–फूलबारी–बङ्गलाबन्ध पारवहन मार्गको प्रस्ताव स्विकृत भएको थियो । त्यसयता नेपालले सो पारवहन मार्ग भएर रु ३१ अर्ब ३० करोड ५५ लाख भन्दा बढी बराबरको नेपाली मालसामान बङ्गलादेश निर्यात गरेको छ । सोही अवधिमा बङ्गलादेशबाट रु २६ अर्ब ८४ करोड ३६ लाख बराबर मालसामान नेपालमा आयात भएको पाइएको छ । १७ बर्षसम्म निर्यातमा नाफा रहेको नेपालले पछिल्लो ५ बर्षमा घाटा व्यर्होदै आएको छ । सन २०१३–१४ सम्म नेपालले बङ्गलादेशसँग व्यापार बचत बढी नै उपभोग गरिरहेको थियो, जस पछि नेपाल द्विपक्षीय व्यापारमा आफ्नो पकड कायम गर्न सकेन । सो घाटा कम गरेर नेपाली अर्थतन्त्र उकास्न प्रदेश नम्बर एक अगाडी बढ्ने बताइएको छ । काकरभिट्टा–फुलबारी–बंङ्गलाबन्ध पारवहान मार्ग संचालनमा आएपछि बङ्गलादेशले नेपाललाई मोङलामा बन्दरगाह सुविधाको लागि अनुमति दिएको छ । बङ्गलादेशले रोहोनपुर–सिंघबाद हुँदै नेपाललाई थप रेल ट्रान्जिट कोरिडोर पनि प्रदान गरेको छ ।
कार्यक्रमको बारेमा पत्रकारहरुसँग बोल्दै मुख्यमन्त्री राईले छलफलबाट प्राप्त सुझावहरुलाई ध्यानमा राखेर निकालिएको निष्र्कषहरुलाई तत्कालै नेपाल सरकारसँग प्रस्ताव राख्ने बताए । उनले केन्द्रिय सरकारबाट प्रस्तावपछि योजना बनाएर प्रदेश सरकारले बङ्गलादेशसँगको व्यपारलाई अगाडी बढाउने बताए । बङ्गलादेश प्रदेश नम्बर एकबाट नजिकै पर्ने भएकाले आयात निर्यातका लागी सवैभन्दा उत्तम गन्तव्य हुने बताए । उनले प्रदेश नम्बर एकबाट उत्पादन भएका सामाग्रीहरु निर्यात गर्न सके मात्र पनि समृद्ध प्रदेश बन्न सक्ने बताए ।
नेपालमा जलमार्गको विकास गर्न कोसी र गण्डकीलाई भारतको गंगा नदीमार्फत बंगलादेशका जमुना र पद्मा नदीसँग जोड्न र सिंहाबाद–रोहनपुर रेलमार्ग तथा सइदपुर–विराटनगर–भद्रपुर हवाई सञ्जाल बनाउन सक्दा प्रदेश एकबाट बर्षेनी करोडौ मुल्य बराबरको सामाग्रीहरु बंगलादेश निर्यातमा सहज हुनेछ । नेपाल र बङ्गलादेशको बीचमा करिब ४० किलोमिटर भूभाग भारत छ । त्यसैले सडक, रेल, हवाई तथा जलमार्गबाट जोडिन भारतीय साथ र सहयोग मुख्य रहनेछ । सो छलफलमा प्रदेश नम्बर एकका मुख्यमन्त्री शेरधन राई, बंगलादेशका लागी नेपाली राजदुत बंशिधर मिश्र, उद्योग वाणिज्य महासंघका पदाधिकारीहरु एवम व्यपार विज्ञहरुको सहभागीता रहेको छ ।
बङ्गलादेशबाट सोलार उपकरण, रनर, मोटरसाइकल, कागज, तयारी कपडा, जुट, मकै, आलुचिप्स, चकलेट, कमोड, पानीका बोतल, ब्याट्री, औषधि, केमिकल, स्पेयर पार्टस, नरिबल तेललगायतका सामान आयात हुने गरेको छ । प्रदेश नम्बर एकबाट मसुरो दाल, चिया, कफि, हरियो तरकारी, फलफुल जडिबुटी जस्ता बस्तुहरु निर्यात हुने संभावना रहेको सहभागीहरुको जोड छ । नेपालभन्दा सानो भूभाग रहेको बङ्गलादेशको जनसंख्या भने नेपालको भन्दा चौब्बर भएको हुँदा नेपाली उत्पादनहरु सजिलै त्यहाँ पु¥याउन सक्दा नेपालको व्यापार उकालो लाग्ने संभावना देखिएको छ । बङ्गलादेश निर्यात हुने वस्तुको कर हटाउन वा घटाउन नेपाल सरकारले बङ्गलादेश सरकारलाई मनाउन सक्यो भने व्यापारको अवस्था चाँडै सुध्रने सक्ने संभावना औल्याइएको छ । छलफल शुक्रबार सम्म चल्नेछ ।
पहिलो दिनको छलफलमा उद्योग वाणिज्य महासंघका केन्द्रिय सदस्य तथा प्रदेश नम्बर एकका सल्लाहकार अविनाश बोहराले नेपालबाट बङ्गलादेशको निर्यातको अवस्थाको बारेमा आफनो प्रस्तुती दिएका थिए । त्यसैगरी साउथ एसिया वाच अन ट्रेड, इकोनोमिक्स एण्ड एन्भायरोन्मेन्टका प्रमुख डा पोषराज पाण्डेले नेपाली उत्पादन बंगलादेश निर्यात प्रोत्साहनका लागी प्रविधी तथा नितीको बारेमा कार्यपत्र प्रस्तुत गरेका थिए । उनले सन २००८ मा नेपालले बङ्गलादेश निर्यातबाट ५९ मिलियन नाफा कमाएकोमा सन २०१८ मा आइपुग्दा व्यपार घाटा ३३ मिलियन डलर रहेको बताए । बङ्गलादेशको आर्थिक वृद्धिदर सन २०१९ मा आठ प्रतिशत हुने अन्तराष्ट्रिय दातृ निकायले प्रक्षेपण गरे अनुसार नेपालले त्यसको फाइदा लिनुपर्ने पाण्डेले बताए । बङ्गलादेश सरकारले सन २०२१ देखि दोहोरो अङ्कको आर्थिक वृद्धि गर्ने लक्ष्यसहित काम गरिरहेको सन्दर्भमा प्रदेश नम्बर एकले फाइदा लिने संभावना बढि देखिएको उनको धारणा थियो ।
व्यपार तथा निकासी प्रर्वद्धन केन्द्रका कार्यकारी निर्देशक शरद विक्रम राणा र बरिष्ठ अधिकृत गोविन्द आर्चायले व्यपार प्रर्वद्धन केन्द्रको भुमिकाको बारेमा कार्यपत्र प्रस्तुत गरेका थिए । आर्चायले नेपालको निर्यात र आयातको अनुपात १ ः १२।४ रहेकाले व्यपार घाटा कम गर्न दिगो वस्तु उत्पादन निति प्रदेश सरकारले लिएर अघि बढ्नुपर्ने बताए । उनले उत्पादित बस्तुहरुलाई भण्डार केन्द्रको निर्माण गरेर निर्यात वृद्धि गर्न सकिने धारणा राखे । निर्देशक राणाले ७ वटै प्रदेशमा उत्पादनको अध्ययन गरी सम्वन्धित प्रदेशमा रिर्पोट पठाइएकोले अन्तर प्रदेश व्यपार बढाउन, निकासीजन्य बस्तु पहिचान गरी आयात प्रतिस्थापनमा सहयोग पुग्ने बताए ।
बंगलादेश स्थित नेपाली राजदुतावासका धनबहादुर ओलीले राजदुतावासले बंगलादेशमा नेपालका उत्पादन प्रर्वद्धनका लागी खेलेको भुमिकाको बारेमा जानकारी गराएका थिए । उनले बङ्गगलादेशमा नेपाली उत्पादनको माग उच्च भएपनि गुणस्तरमा एकरुपता र ख्याती कायम गर्न नसक्दा बर्षेनी आयात बढ्दो मात्रामा रहेको बताए । उनले भारत र चीनपछिको व्यपारको मुख्य क्षेत्र बङ्गलादेश नै रहेकोले गुणस्तर व्यवस्थापनमा चुनौती, साना उत्पादन, बजार पहुँचको अभाव जस्ता कारणले नेपाली उत्पादनले अन्तराष्ट्रिय बजारसम्म पुग्न नसकेको धारणा राखे । पहिलो दिनको कार्यपत्रबाट उठेका बिषयहरुको बारेमा कार्यक्रम केन्द्रित बनेको थियो ।

 

प्रतिक्रिया दिनुहोस

सुनचाँदीको मूल्यमा भारी गिरावट

इटहरीः गत मंगलबारदेखि नेपाली बजारमा घट्दो क्रममा रहेको छापावाल सुनको मूल्यमा आज बिहीबार प्रतितोला एक ...

परीक्षण सामग्री अभावमा प्रयोगविहिन बन्यो कोसी अस्पतालको पीसीआर मेसिन

इटहरीः मोरङको विराटनगरस्थित कोशी अञ्चल अस्पताललाई विराटनगर महानगरपालिकाले उपलब् ध गराएको आरएनए एक्स् ...

कृषि कर्ममा रमाएका पत्रकार भट्टराई

फिक्कलः अन्नपुर्ण पोष्ट दैनिकका इलाम संवाददाता तोयानाथ भट्टराईले समाचार लेख्न शुरु गरेको २४ बर्ष पुग ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved