धरानःधरानमा द भ्वाइस अफ नेपालका फाइनलिष्ट विकास लिम्बूलाई सम्मान गरिएको छ ।
युएन, नवोदय कलेज, हाम्रो धरान तुम्बापो समाज, हाम्रो कोशी आवाज डटकम र एफटिएल अनलाइन टिभीले उनलाई सम्मान गरिएको हो । युएन, नवोदय कलेज प्राङ्गणमा उनलाई सम्मान गरिएको हो । कलेजका अध्यक्ष ज्ञानेश्वर झा, क्याम्पस प्रमुख डम्बरकुमार तुम्बापो, होटल म्यानेजमेण्ट कोअर्डिनेटर गगन श्रेष्ठ, तुम्बापो समाजका अध्यक्ष खड्गबहादुर तुम्बापो, उपाध्यक्ष पदम तुम्बापो, सल्लाहकार कुवेरलाल तुम्बापो, हाम्रो कोशी आवाज डटकमका सम्पादक शेखरनाथ जोगी, एफटिएल अनलाइन टिभीका प्रबन्धक तिर्थ कार्की, युपिएफ सुनसरीका अध्यक्ष राम लिम्बूलगायतले लिम्बूलाई सम्मान गरेका थिए ।
कलेजका अध्यक्ष, क्याम्पस प्रमुख, तुम्बापो समाजका पदाधिकारीले उनलाई सम्मानपत्र, दोसल्ला, खदा, बुके प्रदान गरेका थिए । कार्यक्रममा उनले दुईवटा गीत पनि गाए । कार्यक्रममा युएन कलेजका विद्यार्थीले पनि गीत पस्किएका थिए । कार्यक्रममा बोल्दै क्याम्पस प्रमुख तुम्बापोले प्रतिभावान विकासले साङ्गीतिक क्षेत्रमा देखाएको प्रतिभाले देशविदेशसम्म चिनिन सफल भएको बताए । उनले विकासको उत्तरोत्तर प्रगतिको कामना गरे ।