धरानः बिश्वकर्मा कल्याण सेवा समिति धरानको अध्यक्षतामा लाल बहादुर सेन्चुरी निर्वाचित भएका छन । समाजको २८ औँ बार्षिक साधरण सभा तथा १० औ अधिबेशनबाट उनि अध्यक्षमा निर्वाचित भएका हुन् । अधिवेशन पौष २८ गते सुनसरी उधोग बाणिज्य संघको सभा हलमा सम्पन्न भएको थियो ।
१० औ अधिवेशन सुरु हुनु भन्दा पहिले २८ औ वार्षिक साधारण सभा केदार बराईलीको अध्यक्षतामा १ नं प्रदेशसभा सदस्य माननीय उमिता बराईलीको प्रमुख आतिथ्यमा विभिन्न कार्यक्रम सहित सम्पन्न भएको थियो ।
साधारण सभा सम्पन्न संगै १० औ अधिवेशन सुरु भएको थियो । अध्यक्ष पदको लागि लाल बहादुर सेन्चुरी र मान बहादुर कालिकोटेले उम्मेद्बारी दिएका थिए । महासचिवमा घमान सिंह बराईली र प्रदिप गहतराजले उम्मदवारी दिएका थिए ।
निर्वाचन मण्डलको प्रमुख आयुतmमा बराह ग्रुप धरान का प्रसाशकिय अधिकृत गंगा कालिकोटे रहेका थिए भने सदस्यहरुमा कला वयवसायी संघका प्रदेश इन्चार्ज प्रेम लकान्द्री , नेकपा जिल्ला नेता डिबी शंकर ,पत्रकार तारा लामिछाने ,र कानुनी सल्लाहकार अवइन्द्र निरौला रहेका थिए । सोमबार राती १ बजे मतगणना सम्पन्न भएको थियो । निर्वाचनमा जम्मा मतदाता संख्या २६५ मध्ये १५३ मत खसेको थियो । खसेको मत मध्ये १६ मत बदर भएको निर्वाचन प्रमुख आयुक्त्त गंगा कालिकोटेले जानकारी दिएका छन ।
अध्यक्षमा निर्वाचित लाल बहादुर सेन्चुरीले १०३ मत प्राप्त गरेका थिए । उनका प्रतिद्वन्दी मान बहादुर कालिकोटेले जम्मा ३६ मत प्राप्त गरेका थिए । सो अधिबेशनबाट ११ सदस्यीय नयाँ कार्यसमिति चयन भएको छ । सदस्टि चयन भएको छ । उपाध्यक्ष जुद्द लोहनी महासचिवमा घमान सिंह बराईली सचिवमा सुमन गहतराज र कोषाध्यक्ष हिरालाल बराईली विजयी भएका छन् । सदस्यहरूमा लाल बहादुर विश्वकर्मा, कला शंकर, सागर रसाईली, सन्दीप शंकर, जीत बहादुर कालिकोटे र लालन जनकर्मी विजयी भएका छन् ।
