दमकः बिगत तीन बर्षदेखी दमकमा स्थापित भएर सुचना सम्प्रेषण गर्दै आएको अनलाइन मिडिया सवाल नेपाल सुचना, मनोरञ्जन र निरन्तर खबरदारी मुलक मिडियाको रुपमा स्थापित गर्ने योजना अनुसार सन्देशमुलक साथै मनोरञ्जनात्मक वेव सिरिजको निर्माण एवं प्रसारण शुरु गरेको छ।
युवा पुस्तामा बढ्दो टेलिसिरियलको क्रेजलाइ ध्यान दिइ किशोर किशोरी तथा युवाहरुका समस्याहरुलाइ मनोरञ्जनात्मक रुपमा उठान गरि ती समस्या समाधानको निम्ति विभिन्न जीवनउपयोगी सिपहरु समेत सिकाउने अभिप्रायका साथ ुकलेज लाइफु सिरिजको परिकल्पना गरिएको निर्माण कम्पनिले पत्रकार सम्मलेन गरी जानकारी गराएको छ।
यसैबीच आज नै यस वेव सिरिजको ट्रेलर पनि सार्वजनिक गरीएको छ। ट्रेलरमा मुख्य कलाकारहरू अभिनय देख्न सकिन्छ। सिरिजको मुख्य कलाकारहरु कविता चापागाईं, बिमला तामाङ, सोनिया न्यौपाने, मिना न्यौपाने, केदार बाबू पौडेल,सस्मित राणा मगर,दिपक खरेल,मनिष भट्टराई, मनोज गौतम र धिरज खतिवडा रहेका छन । सुवास सुवेदीको लेखन तथा निर्देशन रहेको यो सिरिजको निर्माता केदार बाबू पौडेल, काश्मिरा राई र सुवास सुवेदी हुन।
मोफसल बाट शुरु गरिएको यो प्रयासलाई सफल बनाउन दर्शकहरूको सहयोग अपरिहार्य भएकोले यस प्रयासमा प्रचारप्रसार, सल्लाह र सुझावको निम्ति अमुल्य सहयोगको अपेक्षा गरेको निर्माण टिमले बताएको छ ।
