इलाममा छ जनालाई क्वारेन्टाइनमा,खुला सिमानाले जोखिम बढ्दै

  • चैत्र १२, २०७६
  • २९७ पटक पढिएको
  • भगीरथ भण्डारी
alt

इलामः झापाको काँकरभिट्टा हुँदै मंगलबार नेपाल भित्रिएका इलामका ६ जनालाई डा. मेघबहादुर पराजुली अस्पताल सिङ्गफ्रिङ्गमा क्वारेन्टाइनमा राखिएको छ । इलाम नगरपालिका, माइजोगामाई गाउँपालिकालगायतका व्यक्तिहरु रहेको प्रशासनले जनाएको छ । सरकारले अन्तिम पटक मंगलबार भारतबाट आएकाहरूलाइ नेपाल भित्रिन दिएपछि इलाम आएका उनीहरुलाई क्वारेनटाइनमा राखिएको हो ।
त्यस्तै कोरोना भाइरस (कोभिड १९) पोजेटिभ देखिएकी फ्रान्सबाट आएकी युवतीसँगै दोहा कतारबाट जहाजबाट आएका इलाम नगरपालिका वडा नं. ४ का एक युवालाई इलाम अस्पतालमा स्वास्थ्य परीक्षण गरी सेल्फ क्वारेन्टाइनमा बस्न घर पठाइएको छ ।
उनीसँगै उनका परिवार र सम्पर्कमा आएका सबैलाई सेल्फ क्वारेन्टइनमा बस्न लगाइएको जिल्ला प्रशासन कार्यालयले जनाएको छ । उनी वैदेशिक रोजगारीका लागि कतार गएका ति युवा कोरोना पोजेटिभ देखिएकी युवतीसँगै चैत ४ गते नेपाल फर्केका थिए ।
अस्पतालको सम्पर्कमा आउन आव्हान
कोरोना भाइरस प्रभावित मुलुकबाट यात्रा गरेर स्वदेश आउने व्यक्तिहरुलाई अस्पतालको सम्पर्कमा आउन इलाम नगरपालिकाले आव्ह्रान गरेको छ ।
नगरपालिकाले उनीहरुलाई सेल्फ क्वारेन्टाइनमा बस्न र सावधानी अपनाउन पनि आग्रह गरेको छ । इलाम नगरपालिका अन्तर्गत कोभिड १९ को प्रकोप रोथाम तथा नियन्त्रणका लागि गठित कार्यदलको बैंठकले कोरोना प्रभावित मुलुकबाट आएकाहरुको निगरानी राख्न र सूचना आदनप्रदान गर्नका लागि वडाध्यक्ष, सदस्य तथा स्वास्थ्य स्वयम् सेविकासँग अनुरोध गर्ने निर्णय पनि गरेको छ ।
खुला सिमानाले जोखिम
सिमाना जोडिएका ठाउँका जनप्रतिनिधिले खुला सिमाना भएको कारण नेपाल आउने व्यक्ति जुनसुकै बाटो प्रयोग गरेर आउने भएकाले ठूलो समस्या रहेको बताएका छन । इलाममा नेपाल भारतसंग ५२ किलोमिटर सिमा रहेको इलामका तीन स्थानीय तहको भारतसंग सीमा जोडिएकाले नेपाल भित्रने जो कोही जुनसुकै ठाउँबाट प्रवेश गर्न सक्ने भएकाले जोखिम बढको हो ।
इलामको रोङ, गाउँपालिका माईजोगमाई गाउँपालिका र सन्दकपुर गाउँपालिका भारतसँग जोडिएको खुल्ला सिमाना रहेकोले पनि जो कोहि जुनसुकै बेला नेपाल प्रवेश गर्ने भएकाले यसलाई व्यवस्थीत बनाउनुपर्ने र नेपाल भित्रिएको पहिचान गरी होम क्वारेन्टाइनमा राख्नुपर्ने सरोकारवालाको माग रहेको छ ।
हेल्प डेक्स
इलामकमा विभिन्न ठाउमा हेल्प डेक्स सञ्चालनमा आएका छन । रोङगाउपालिकामा पर्ने इलाम प्रवेशद्घार जोरकलस, सूर्योदय नगरपालिकाको फिक्कल, नेपाल भारत सिमाक्षेत्र पशुपतिनगर,इलाम बजार प्रवेशद्घारमा हेल्पडेक्स सञ्चालन गरिएको छ । त्यस्तै माई र देउमाई नगरपालिका, फाकफोकथुम,सन्दकपुर र चुलाचुली गाउँपालिकामा पनि हेल्प डेक्स सञ्चालन भइरहेका छन ।
कोरोना भाईरसको संक्रमण बढ्दै जादा बिभिन्न सिलसिलामा देश भित्र र बाहिरबाट नेपालीहरु जिल्ला फर्कन थाले पछि जोखीम कम गर्न हेल्प डेक्स स्थापना गरिएको थियो । डेक्समा यात्रु , पर्यटक , सवारी चालक , स्थानीयको ज्वरोको तापक्रम थर्मल गनबाट मापन गर्ने गरिन्छ ।
लकडाउन कार्यन्वयन गर्न आदेश
जिल्ला प्रशासन कार्यालयले पनि चैत १८ गतेसम्मका लागि घरबाहि हिँडडुल तथा सवारी नचलाउन आदेश जारी गरेको छ । विश्वभर महामारीको रुपमा फैलदै गएको कोभिड १९ को संभावित संक्रमणको रोकथाम तथा नियन्त्रणका लागि प्रशासनले औषधि उपचार बाहेक अन्य काममा कुनै पनि व्यक्तिलाई घरबाट बाहिर ननिस्कन आदेश जारी गरिएको छ । यसरीनै स्वास्थ्य, सुरक्षा र अनुमति प्राप्त सवारी बाहेक अन्य सवारीहरुलाई समेत नचलाउन आदेश जारी गरिएको छ । आदेशको अवज्ञा गरिएमा कानुन बमोजिम कार्वाही हुने पनि प्रशासनले जनाएको छ ।
आइसोलेसन कक्ष स्थापना
कोरोना भाइरस (कोभिड–१९) को रोकथाम र उपचारका लागि इलममा आइसोलेसन कक्ष स्थापना गरिएको छ । जिल्लाको सदरमुकाममा रहेको इलाम अस्पतालमा रहेको क्याबिन वार्डलाई आइसोलेसनको रुपमा सन्चालन सुरु गरीएको हो ।
शङ्कास्पद देखिएका बिरामीको उपचारका लागि अस्पतालमा दुई शैयासहितका आइसोलेशन कक्ष स्थापना गरिएको छ । कोभिड–१९ का शंकास्पद बिरामी भेटिए आइसोलेसनमा राख्नेगरी जिल्लाका सरोकारवालाको बैठकले निर्णय गरेर आइसोलेसन कक्षको व्यवस्थापन इलाम अस्पतालले गरेको हो । ‘उच्च ज्वरो, रुघाखोकी लागी कोभिड–१९ का शंकास्पद अन्य लक्षण देखिएका व्यक्तिलाई आइसोलेसनमा वार्डमा रखिने भएको छ भने उक्त स्थानका लागि चिकित्सकको टोली तयारी अवस्थामा छुट्टै राखिएको र साथमा एम्बुलेन्ससमेत तयारी अवस्थामा रखिएको इलाम अस्पतालका ब्यवस्थापक क्षितिज खतिवडाले जानकारी दिए ।

प्रतिक्रिया दिनुहोस

कोरोना रोकथाममा अवका ...

काठमाण्डौंः  सरकारले कोरोना भाइरस रोकथाम र नियन्त्रणमा अवकाशप्राप्त र छात्रवृत्तिमा गएर फर्किएक ...

थर्मल गनको कालोबजारी ...

इटहरीः विश्वमा कोरोना संक्रमणको महामारी भईरहेको बेला थर्मल गनको कालोबजारी गरीरहेको अवस्थामा प्रहरीले ...

नेपालमा कोरोनाभाइरस ...

इटहरीः विकसित मानिएका कतिपय देशहरूमा समेत कोरोनाभाइरसको सङ्क्रमण धेरै फैलिएको देखिएका बेला नेपालमा भ ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • मार्केटिङ प्रमुखः प्रकाश तिम्सिना
  •   (९८६२१२०९७१)
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved