कोरोनाको प्रभाव, चालक भन्छन् ‘सुरक्षा नभए एम्बुलेन्स चलाउन सकिन्दैन’

  • चैत्र १२, २०७६
  • ४०३ पटक पढिएको
  • दिनेश गजमेर
alt

धरानः बिरामीलाई अस्पताल पुर्याउने पहिलो व्यक्ति एम्बुलेन्स चालक नै हुन् । कोरोनाको महामारीको त्रास बढ्दै जाँदा पनि एम्बुलेन्स चालकहरुका लागि सुरक्षित व्यवस्थापन हुन सकेको छैन् । असुरक्षित रुपमा एम्बुलेन्स चलाएर बिरामीको ओसार पसार गर्दा खतरा बढ्न सक्ने भन्दै एम्बुलेन्स चालकहरुले गुनासो गरेका छन् ।
कोरोनाको त्रास बढ्दै गए पछि विभिन्न स्वास्थ्य केन्द्रहरुले एम्बुलेन्सलाई स्टेण्डबाइ राखेका छन् । कोरोनाको आशंका पाउने बित्तिकै एम्बुलेन्स चालकहरु एम्बुलेन्स लिएर कि त बिरामीको घरमा पुग्नु पर्छ कि बिरामीलाई क्वारेन्टाइन सम्म पुर्याउन खटिनु पर्ने अवश्था छ । तर उनीहरुको स्वास्थ्य माथि हुने खतरालाई व्यवस्थापन गर्न कसैको ध्यान पुग्न सकेको छैन् । एम्बुलेन्स चालक राजु पोख्रेल भन्छन्, हिजो मैले एउटा बिरामी छाडिदिए, उनी विदेशबाट आएका रहेछन्, ज्वरो आएको थियो, हामीनै असुरक्षित छौं, कसरी जोखिम लिने ।’ अन्य स्थानमा सेफ्टीको व्यवस्था गरिदिए पनि धरानमा नभएको उनको गुनासो छ ।
एम्बुलेन्स चालकहरुको सुरक्षाका लागि न त राज्यले कुनै व्यवस्थाका लागि आग्रह गरेको छ कुनै स्थानीय निकायले चासो देखाएको छ । उनीहरुलाई बिरामी बोक्न आग्रह गरिएको छ तर उनीहरुको सुरक्षाको लागि कुनै व्यवस्था छैन् । उनीहरुलाई आवश्यक पर्ने मास्क, एप्रोनको समेत व्यवस्थान गर्न नसक्दा एम्बुलेन्सनै चलाउन बन्द गर्नु पर्ने अवश्था आउन सक्ने सुनसरी एम्बुलेन्स चालक संघ इकाइ १८ का अध्यक्ष हरि भुजेल बताउँछन् । अहिले सम्म कुनै पनि निकाय कसरी सुरक्षाको व्यवस्था गरेका छौं भनेर सोध्न पनि नआएको उनको गुनासो छ । सुनसरीका एम्बुलेन्सहरुको व्यवस्थापन तथा अनुगमनका लागि जिल्ला प्रशासन कार्यालयका प्रमुखको संयोजकत्वमा समिती नै बनेको छ । त्यही समितीले पनि अहिले सम्म कुनै चासो नदेखाएको उनले बताए । उनले भने, अब राज्यले हाम्रो सुरक्षाको व्यवस्थापन गर्न सकेन भने त कसरी चलाउनु, यस्तै अवश्था भइरह्यो भने, एम्बुलेन्स थन्काएर घरमै बस्नुपर्ने हुन्छ, हाम्रो पनि जोखिम हेर्नुपर्छ ।’
नेपालमा पनि कोरोनाको संक्रमितहरु देखिन थालिसकेका छन् । यस्तो अवश्थामा एम्बुलेन्सको प्रयोग गर्दा पहिलो जोखिममा एम्बुलेन्स चालकहरु नै हुने गर्दछन् । त्यसैले उनीहरुको सुरक्षाका लागि आवश्यक व्यवस्थापनको खाँचो रहेको छ ।

प्रतिक्रिया दिनुहोस

प्रदेश १ मा ७० जना पत्रकारलाई कोरोना संक्रमण

इटहरीः प्रदेश १ मा मात्रै ७० जना पत्रकारलाई कोरोना संक्रमण भएको छ। पछिल्लो समय समुदायस्तरमा कोरोना फ ...

चौतर्फी विरोध हुन थाले पछि वीपीको कोभिड अस्पतालमा सेवा बिस्तार गर्ने तयारी

धरानः कोभिड अस्पतालमा भेन्टिलेटर, अक्सिजन समेत नहुँदा कोरोना संक्रमितको उपचार हुन नसकेको भन्दै चौतर् ...

बाबुले गराइदिए छोराको चौरासी पूजा

परासीः एक पिताले पुत्रको चौरासी पूजा गर्न पाउने सौभाग्य पाएका छन् ।   नवलपरासी ९बर्दघाट सुस ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved