इटहरी: नेपाल लकडाउन भएको लामो समय भइसकेको छ । यसका लागि विभिन्न क्षेत्रका निकायले आफ्नो आफ्नो कर्तब्यका साथ नियम पालना गरिरहेका छन् ।
यसको अलवा इलाका प्रहरी कार्यालय इटहरीले पनि लकडाउनको समयमा विभिन्न नयाँ काम सोच बनाउँदै जनतालाई सुरक्षित रहनका निम्ति केही दिन अगाडी काठमाडौैं बाहिर पहिलो पटक म्यान क्याच डिभाइस बनाई प्रयोगमा ल्याइरहेको अबस्थामा आज अर्काे नयाँ तरिकाले जनतालाई जानकारी गराएको छ ।

स्थानीयलाई घर बाहिर नकिस्कनका निम्ति गितको माध्यमबाट सुरक्षित रहनका निम्ति आग्रह गरिएको हो । घुम्तिमा नआउ है भन्ने नेपाली गितको लयलाई घरबाहिर नजाउ है भन्दै गित मार्फत जानकारी गराईएको हो।

उक्त गितमा प्रहरी जवान धिरज लिम्बुले इटहरीको चोकमा बसेर गित गायका हुन् । गायक लिम्बु इलाका प्रहरी कार्यालय इटहरीमा कार्यारत छन् ।