अबको नेवि सङ्घ

  • आश्विन १५, २०७५
  • २६६७ पटक पढिएको
  • विक्रम घिमिरे
alt

कुनै पनि सङ्गठन वैचारिक र सैद्धान्तिक धरातलभन्दा टाढा रहन सक्दैन । त्यसैले नेवि सङ्घको सिद्धान्त र जिम्मेवारीको बारेमा धेरथोर जानकार हुनुपर्छ भन्ने धारणा विकास भइरहेको छ । नेवि सङ्घ आफैँमा विचार र क्षमताको पर्याय हो । त्यसैले यसमा आबद्ध सदस्यहरू सङ्गठनप्रति प्रतिबद्ध र प्रशिक्षित हुन अत्यन्तै जरुरी छ । जबसम्म कुनै सङ्गठन वैचारिक र व्यावहारिक दुवै हिसाबमा सङ्गठित हुन सक्दैन तबसम्म मजबुत सङ्गठनको परिकल्पना गर्न सकिँदैन ।

सर्वप्रथम समाज परिवर्तन गर्ने सङ्गठन समयानुसार परिवर्तन हुन जरुरी नै छ । नेवि सङ्घभित्र पनि समस्या होलान् । तर समस्याको रचनात्मक समाधान एक मात्र विकल्प हो । नेवि सङ्घमा आस्थावान् साथीहरूको ऊर्जालाई थप चलायमान बनाउँदै आगामी नेतृत्व परिपक्व र पारदर्शी बनोस् भन्नका लागि सङ्गठनभित्र व्यापक रूपमा वैचारिक बहसको अवश्यकता छ । हरेक स्कुल, कलेज र विश्वविद्यालयमा नेवि सङ्घका प्रशिक्षित कार्यकर्ता उत्पादन गर्नु छ ।

नेवि सङ्घ हरेक विद्यार्थीको समस्या समाधानको अर्जुनबाण हो । त्यो अर्जुनबाण समयानुसार उपयोग गर्ने र मर्मतसम्भार गर्ने जिम्मेवारी पनि नेतृत्वको हो । राजनीतिक र शैक्षिक आन्दोलनमा नेबिसङ्घको भूमिका के कस्तो रह्यो भन्ने विषयमा न्यूनतम जानकारी कुनै पनि कार्यकर्तालाई हुनुपर्छ । जसले इतिहासमा गर्व गर्दै नयाँ ऐतिहासिक सङ्गठन बनाउनमा विद्यार्थीलाई आकर्षित गर्न सकियोस् ।

अहिले अनेकौँ समस्याका बीचमा सङ्गठन चलिरहेको छ । पार्टीभित्रको गुटको प्रत्यक्ष प्रभाव नेवि सङ्घभित्र छर्लङ्ग देख्न सकिन्छ । यतिसम्म कि हरेक इकाइ समिति गठन गर्ने प्रक्रियामा समेत गुटगत प्रभाव स्पष्ट रूपमा देखा पर्न थालिसकेको छ । आफूले गरेका राम्रा पक्षको प्रचार गर्नेभन्दा अरूका खराबी खोज्दै हिँड्ने र आन्तरिक रूपमा विभाजित हुँदा स्वाभाविक रूपमा सङ्गठन कमजोर हुँदैछ ।

स्ववियु निर्वाचनमा पनि त्यसको प्रभाव नपरेको होइन । एकताको नयाँ सन्देश दिएर नेवि सङ्घ आन्तरिक एकताका साथ लाग्ने हो भने यो दुनियाँमा कुनै पनि शक्तिले नेवि सङ्घलाई पराजित गर्न सक्दैन । पार्टीभित्र खबरदारी गर्नुपर्ने बेलामा तिनै विभाजित नेताको भजन गाउनुले नेवि सङ्घको गरिमामाथि प्रश्न उठ्नु स्वाभाविकै हो ।

नेवि सङ्घ नेतृत्वले विभाजन होइन एकताको माग गर्न सक्नुपर्छ । नेताले गरेको गलत कामलाई नेता रिसाउँछ भनेर वा गुटमा परिँदैन भनेर अथवा भोलिको राजनीतिक नियुक्तिमा छुटाउँछ भनेर गलत अभ्यासलाई प्रश्रय दिनु हुँदैन । विभाजन होइन एकताको अभियान गर्न उत्प्रेरित गर्नुपर्छ । आज विभाजनको अभ्यासलाई टुलुटुलु हेरेर बस्नु नेवि सङ्घको एक सच्चा कार्यकर्ताको लागि महाभुल हुन जान्छ । गुट उपगुटको साँघुरो घेराभन्दा माथि उठेर हामीले ‘हाम्रो नेवि सङ्घ, हाम्रो काङ्ग्रेस’ भन्ने सन्देश हरेक नेपाली युवा विद्यार्थीको माझ पु¥याउने साहस गर्न सक्नुपर्छ ।

नेवि सङ्घ राजनीतिको गर्विलो इतिहास बोकेर आएको सङ्गठन हो । महत्वपूर्ण राजनीतिक आन्दोलन र कर्मठ योद्धाहरूको बलिदानीबाट खारिएको सङ्गठन हो नेवि सङ्घ । २०३६ सालको विद्यार्थी आन्दोलनको अगुवाइ गर्दै २०४६ सालको प्रजातन्त्र पुनस्र्थापनाको आन्दोलनमा अग्रणी भूमिका निर्वाह गरेको छ ।

त्यस्तै २०६२÷०६३ मा नेपाली काङ्ग्रेसको नेतृत्वमा भएको ऐतिहासिक जनआन्दोलनमा महत्वपूर्ण योगदान रह्यो । माउ पार्टी नेपाली काङ्ग्रेस अलमलमा परेको अवस्थामा नेवि सङ्घले त्यसको गाँठो फुकाइदिने गरेको छ । अब नेवि सङ्घ विभाजन होइन एकताको नयाँ अध्याय शुरु गर्न चाहन्छ ।

राष्ट्रियता, लोकतन्त्र, समाजवाद र विद्यार्थी एकतालाई आदर्श मानेर अगाडि बढेको नेवि सङ्घ आफ्नो मूल मन्त्रबाट एकरति विचलित हुँदैन । कतिपय अवस्थामा विविध कारणले कतै विचलित भयो होला तर अबको नेवि सङ्घ एकताको मूल मन्त्रलाई शिरोधार्य गर्न तम्तयार भइसकेको छ । पुरानो पुस्ताले गुट उपगुट हस्तान्तरण गर्दै गर्दा नेवि सङ्घको यो आदर्श मन्त्रको महत्व र मान्यता सँगै हस्तान्तरण गर्न सकेन । अबको नेवि सङ्घ गुट उपगुट छाडेर यही आदर्श मन्त्रलाई मनन गर्दै अगाडि बढ्नुको विकल्प छैन ।

शासन व्यक्तिको होइन विधिको हुनुपर्छ । कुनै एउटा कार्यकर्तालाई चोट लाग्दा सङ्गठनका सबै सदस्यको साथ हुनुपर्छ । नेता होइन नीतिअनुसार सङ्गठन परिचालन हुनुपर्छ । विद्यार्थीको भावनाको नेतृत्व गर्ने जुझारु युवा विद्यार्थीबाट सङ्गठनको नेतृत्व हुनुपर्छ । गुटको छाया नपरेको विद्यार्थीको मायामा परेको नेतृत्व चयन गर्ने साहस अबको पुस्ताले राख्नुपर्दछ ।
नेतृत्व नेताको गोजीबाट हैन विद्यार्थीको रोजाइमा निर्भर हुनुपर्छ । शैक्षिक र राजनीतिक कार्यदिशामा नेवि सङ्घ स्पष्ट बनेर अगाडि बढ्नु अबको एक मात्र विकल्प हो ।

नेवि सङ्घको आगामी बाह्रौँ अधिवेशनको हल्लाले इकाइदेखि केन्द्रसम्म नै चहलपहल शुरु भएको छ । उमेरहदकै कारण नेवि सङ्घ भित्रको विवाद बारम्बार सतहमा आइरहेको छ । समयमा अधिवेशन नहुने र नेतृत्वका आकाङ्क्षी धेरै हुने भएकाले अधिवेशन अन्योलमा पर्ने गरेको छ । जुन आगामी अधिवेशनमा पनि हुने देखिँदैछ ।

३२ वर्षको उमेरहदकै कारण अहिले महाधिवेशन अन्योलपूर्ण अवस्थामा छ । यहाँ समस्या उमेरको भन्दा पनि अधिवेशनको हो । नेवि सङ्घको विधानअनुसार दुईदुई वर्षमा अधिवेशन गराउन सके उमेरहदको समस्या आफैँ समाधान हुने देखिन्छ । पार्टी नेतृत्वको इन्ट्रेस्टमा सङ्गठन परिचालन भइरहेका कारण हरेक अधिवेशन प्रभावित हुने गरेका छन् । समयानुसार सङ्गठन बिस्तार हुन सकेका छैनन् । हरेक स्थानीय तहमा नेवि सङ्घका कमिटी छैनन् । प्रादेशिक संरचनाअनुसार नेवि सङ्घ चल्न सकेको छैन । यसले पनि नेतृत्वमा जाम देखिएको छ ।

हुन त विवादित जिल्लाहरूमा अधिवेशन गर्न पनि त्यति सहज छैन । जताततै गुटले गाँजेको छ । आफ्नो मान्छे भन्दा अरू हुनुहुँदैन भन्ने सोचलाई नत्यागेसम्म अधिवेशन सम्भव पनि छैन । त्यसैले इमान्दरिताका साथ सङ्गठन बचाउनका लागिहामी सबै एक ठाउँमा उभिनु आजको आवश्यकता हो । यो परिस्थितिमा सङ्गठनलाई माया गर्ने साथीहरूले तेरो मेरो नभनी सङ्गठनको हितमा काम गर्नुपर्ने देखिन्छ ।

आगामी अधिवेशनले नेवि सङ्घलाई वैचारिक तथा भावनात्मक रूपमा एक बनाउनुपर्छ । नेपाली काङ्ग्रेस अहिले मुलुकभर प्रमुख प्रतिपक्षीको हैसियतमा छ । यो नेवि सङ्घको लागि अवसर पनि हो । हरेक स्थानीय तहमा नेवि सङ्घको कमिटी गठन गर्ने र खबरदारीको लागि तैनाथ बनाउन सके आगामी ४ वर्षपछिको निर्वाचन काङ्ग्रेसको पक्षमा देखिनेछ । आन्तरिक विवादको विषय लामो समय रहन दिनु हुँदैन त्यसले आफँैलाई कमजोर बनाउने निश्चित छ ।

अहिले देखिएको समस्या भनेको नेतृत्व हत्याउने र आफू कसरी बलियो बन्ने भन्नेतिर नै छ । तर अब आउने नेतृत्व भनेको सङ्गठनलाई कसरी बलियो बनाउन सकिन्छ भन्ने भिजन भएको हुनुपर्छ । अनि मात्र नेवि सङ्घ साँच्चै लोकतान्त्रिक सङ्ठन देखिन्छ । अबको नेवि सङ्घ भनेको शैक्षिक मुद्दाका अलावा सामाजिक तथा आर्थिक विकासका विषयमा पनि केन्द्रित हुन जरुरी छ ।

 

 

प्रतिक्रिया दिनुहोस

महिला सञ्जालका गतिविधि गाउँगाउँमा पुर्याउन इटहरीकी उपमेयर संगीता चौधरीको आग्रह

इटहरीः इटहरी उपमहानगरपालिकाकी नव निर्वाचित उपमेयर संगीता कुमारी चौधरीले महिला संजालका गतिविधी गाउँगा ...

खेलाडीको विवरण संकलन गर्दै प्रदेश खेलकुद विकास बोर्ड

इटहरीः प्रदेश नम्बर एक सरकारको सामाजिक विकास मन्त्रालय अन्तर्गत रहेको प्रदेश खेलकुद विकास बोर्डले प् ...

गरिमा बैंकको वित्तीय साक्षरता कार्यक्रम इटहरीमा सम्पन्न, एक सय तीस बढीलाई बैंकिङ्ग शिक्षा

इटहरीः नेपाल राष्ट्र बैकबाट ‘ख’ बर्गको वित्तीय कारोबार गर्न इजाजत पाएको गरिमा विकास बैँक ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
 
 
  • प्रबन्ध सम्पादकः प्रेमप्रसाद बास्तोला
  • प्रबन्धक :शुसिला उप्रेती
  • कार्यकारी सम्पादक :प्रकाश बञ्जरा
  • सह सम्पादक :शिशिर भट्टराई
  • प्रमुख संवाददाता :सुबिन बिश्वकर्मा
  • मार्केटिङ प्रमुख :देवराज पुरी
 

Copyright © 2018 / 2022 - Pradeshportal.com All rights reserved