प्रदेशसभाको लागि इटहरीको निजी क्षेत्रले १५ करोडको संरचना दिँदै

  • प्रकाशित मितिः आश्विन १५, २०७५
  • १३५१२ पटक पढिएको
  • प्रदेश पोर्टल
alt

इटहरीः प्रदेश १ को प्रदेश सभा इटहरीमा ल्याउने तयारीको लागि उद्योग वाणिज्य सङ्घ इटहरीले सुविधा सम्पन्न भवन प्रदेश सभालाई दिने भएको छ । १० कट्ठा क्षेत्रफलमा फैलिएको उद्योग वाणिज्य सङ्घको ५ करोडको भवनसहितका संरचना प्रदेश सभालाई दिने सङ्घले तयारी गरेको छ । 

५ लाख प्रतिधुर जग्गाको मापन भएको क्षेत्रको १० कट्ठा जमिनसहित ५ करोडको संरचना प्रदेश सभालाई दिने तयारी भएको हो ।
उद्योग वाणिज्य सङ्घ इटहरीका अध्यक्ष समेत रहेका प्रदेश सांसद लीलम बस्नेत, उद्योग वाणिज्य सङ्घका कार्यवाहक अध्यक्ष शैलेश विष्ट नेतृत्वले भवन हस्तान्तरण गर्न लागेको हो ।

‘हामी पुरानै भवनमा बस्न तयार छौँ तर प्रदेश सभाको लागि सबै संरचना र लगानीहरू दिँदैछौँ’, उद्योग वाणिज्य सङ्घ इटहरीका कार्यवाहक अध्यक्ष शैलेश विष्टले भने ।
४ तले यो भवनमा प्रदेश १ का ५ वटा दलका संसदीय दलका कार्यालय, सभामुख तथा उपसभामुखको सचिवालय, संसद सचिवालय लगायत सबैलाई पुग्ने कोठाहरू रहेको उवा सङ्घ इटहरीका कार्यवाहक अध्यक्ष विष्टले बताए ।
उनले भने, ‘यो ४ तले भवनमा भोलिका दिनमा प्रदेशमा १० दल आए पनि संसदीय दल र अन्य सचिवालय अटाउने संरचना छन् ।’

सेना र सशस्त्रको उच्च सुरक्षा घेरासहितको भवन
भारतीय सीमावर्ती शहर विराटनगरमा प्रदेश सभा र सांसदहरूले असुरक्षित महसुस गरेकोमा इटहरीमा त्यो नहुने उवा सङ्घको भनाइ छ ।
असोज ४ गते भारतीय भूमिबाट नेपाल आएर खुर्सिद अन्सारीको हत्या भएपछि सांसदहरूले विराटनगर असुरक्षित भएको बताएका थिए ।
सांसद कला घलेले त मन्त्रीलाई मात्रै होइन सांसदहरूलाई पनि सुरक्षा घेरा दिन माग गरेकी थिइन् ।

तर, उद्योग वाणिज्य संघले प्रदेश सरकारलाई दिने भवन भने उच्च सुरक्षा घेरामा रहेको छ । नेपाली सेनाको पूर्वी पृतना मुख्यालयको मुखमा रहेको यो भवन सशस्त्र प्रहरी बल मुख्यालय इटहरीबाट ५ किलोमिटर पर छ ।

यति मात्रै होइन चार दिशामा तीनतिर बस्ती र सेनाको घेराबाराले घेरिएको छ । कुनै अराजक समूहले आन्दोलन वा घेराउ गर्न असहज हुने क्षेत्रमा छ यो संरचना ।

क्यान्टिनदेखि पार्किङसम्मको व्यापक क्षेत्र
प्रदेश सभालाई दिन लागिएको उवा सङ्घ इटहरीको भवनमा पार्किङ क्षेत्र पर्याप्त रहेको छ । क्यान्टिन सञ्चालनको लागि ४ कट्ठा छुट्टै जग्गा रहेको छ ।
उच्च सुरक्षा घेरामा रहेको पर्याप्त जग्गा भएको क्षेत्र भएकाले प्रदेशका धेरै सांसदहरूले यो भवन उपयुक्त भएको बताउँदै आएका छन् ।
केही समय अगाडि प्रदेश १ का मुख्यमन्त्री शेरधन राईले पनि यो भवन हेरेका थिए ।

मुख्यमन्त्रीले समेत हेरिसकेको संरचना
प्रदेश सरकारका संरचना खर्चिलो भएको गुनासो आइरहँदा सडक सञ्जालले सबैको पायक पर्ने इटहरीमा निजी क्षेत्रले १५ करोडको संरचना दिनु राम्रो हुने बताएका थिए ।
निजी क्षेत्रले करोडौंको संरचना निःशुल्क दिने र राजधानी नभए प्रदेश सभा भए पनि विराटनगर बाहिर हुनुपर्ने सांसदहरूको मागले मुख्यमन्त्रीलाई पनि आकर्षित गरेको छ । प्रदेश सभा इटहरी ल्याउन मुख्यमन्त्री राई सकारात्मक देखिएको बताइएको छ ।

सांसदहरू भने प्रदेश सभा र प्रदेश प्रमुखहरू मात्रै होइन राजधानी नै विराटनगर बाहिर हुनुपर्ने बताउँदै आएका छन् । त्यसको लागि सदनमा गोप्य र स्वतन्त्र मतदान हुनुपर्ने उनीहरूको भनाइ छ । गोप्य मतदान भए सत्तारपक्ष र प्रतिपक्षसहितका दुई तिहाइ बढीले विराटनगर बाहिर राजधानीको पक्षमा मतदान गर्ने सांसदको भनाइ छ ।

पार्टीले जबरजस्त विराटनगरको पक्षमा बोल्न लगाए आफूहरूले प्रतिवाद गर्ने दुई तिहाइ सांसद भएको सत्तारुढ प्रदेशका नेकपाका सांसदहरूको भनाइ छ ।
केही महिना अगाडि प्रदेश सभा भवन बनाउन विराटनगरमा बजेट विनियोजन गरिएकोमा पनि सांसदहरूले आपत्ति जनाएका थिए ।
उनीहरूले हस्ताक्षर सङ्कलन गरेरै स्थायी राजधानी नबनी संसद भवनलाई बजेट नदिन माग गरेका थिए । अन्ततः संसद भवनको बजेट खारेज गरियो ।

प्रतिक्रिया दिनुहोस

कोशीहरैंचा उद्योग वाणिज्य सङ्घमा पुरानै का

विराटचोकः उद्योग वाणिज्य सङ्घ कोशी हरैंचाले १ वर्ष पुरानै कार्यसमितिलाई निरन्तरता दिने निर्णय गरेको छ । सङ्घको ८ आंै वार्षिक साधारण सभाले सो निर्णय गरेको हो । नयाँ सदस्यताको विषयलाई लिएर नेकपा र काङ्ग्रेसं समर्थित उद्योग वाणिज्य सङ्घका पदाधिकारी बीच मतभेद देखिएपछि सङ्घले नयाँ ने

उपमहानगरको दमकलः दमकल हो कि पानी बोक्ने ट्

इटहरीः वारुणयन्त्र संवेदनशील क्षेत्र भए पनि प्रविधिको प्रयोग नहुँदा दमकल र पानी बोक्ने ट्याङ्करमा खासै फरक देखिन छाडेको छ । आम जनताले पनि दमकल भन्नेबित्तिकै पानी बोक्ने ट्याङ्करको रूपमा बुझ्न थालेका छन् । दमकलमा आगोसँग लड्न पानी मात्र होइन आवश्यक अन्य सुरक्षा पनि हुन आवश्यक मानिन

प्रहरी कार्यालयभित्र वकिलमाथि हातपात गरेको

इनरुवाः सुनसरीको दुहबीमा प्रहरी कार्यालयभित्र दुई पक्षीय छलफलका क्रममा एक जना कानुन व्यवसायीलाई प्रहरी अधिकृतहरूले हातपात गरेको आरोप लगाइएको छ । शुक्रबार इलाका प्रहरी कार्यालय दुहबीमा सवारी दुर्घटना समबन्धी घटनामा छलफल हुँदा सुनसरी जिल्ला अदालत बार एसोसिएसन इकाइका सदस्य समेत रहे


इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण वहाब भट्टराई
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2018 - pradeshportal.com All rights reserved