इटहरीमा चहलपहल बढ्यो तर व्यावसायिक कारोबार बढेन

  • आश्विन १३, २०७७
  • २३० पटक पढिएको
  • शंकर खत्री
alt

इटहरीः दशै, तिहार, छठ र ल्होसार जस्ता नेपालीहरुका महान पर्व नजिकिदै गर्दा सुनसरीको इटहरीमा मानिसहरुको चहलपहल बढेको छ । विगत केहिदिन यता इटहरीमा मानिसको बाक्लो भिँड जम्मा हुन थालेको हो । खासगरी पुर्वी पहाडी जिल्लाहरु र पुर्वी तराईका जिल्लाहरुसँग सडक संजालबाट प्रत्यक्ष सम्बन्ध जोडिएको इटहरीम किनमेलका लागि चहलपहल बढेको आँकलन गर्न सकिन्छ । पुर्वकै व्यापारीक केन्द्रका रुपमा रहेको इटहरीमा चाडपर्वको जोहोका लागि ग्राहकहरु बढेका हुन् ।

लुगाकपडाको व्यापार ज्यादै कम

इटहरीमा भिडभाड बढे पनि सामान किन्न आउनेको संख्यामा वृद्धि नभएको व्यवसायीको भनाइ छ । सामान्य रुपमा हामीले बजारमा चहलपहल देखे पनि व्यवसायीको दृष्टिकोणबाट हेर्दा त्यो ग्राहकको भिड नभएको व्यवसयीले बताएका छन् । साथै कोरोना महामारीको समयमा चाडपर्व आएकाले कारोबार सन्तोषजनक पनि नभएको व्यवसयीको दुखेसो छ । इटहरीमा जी र्फो कलेक्सन संचालन गर्दै आउनु भएकी व्यवसयी गायत्री भण्डारीले पहिलेको तुलना धेरै कम मात्रै व्यापार भएको बताउँछिन् । ‘धेरै लामो समयपछि बजार खुलेकोले पनि होला चहलपहल बढेको । अहिले मानिसहरुले जातिसक्दो आत्यावश्यक वस्तु मात्र खरिद गर्ने भएकाले बहिर भिडदेखिएको हो । मेरो कपडाको व्यापार हो, दंशै तिहारमा अकिति कपडा नै बढी कारोबार हुनुपर्ने हो त्यो भको छैन्’, उनले भनिन् । साथै उनले नयाँ कपडा ल्याउन नसकेकाले पनि कारोबारमा गिरावट आएको हुनसक्ने बताइन् ।

पहिला दशै तिहार आउनु भन्दा एक डेढ महिना अगाडिबाट कारोबार हुने गरेपनि त्यसो नभएको र अझ समय रहेकाले बिक्रिहुने आश रहेको उनले बताइन् । ‘यो भन्दा अघिल्ला वर्षहरुमा दशै तिहार आउनुभन्दा डेढ दुई महिना अगाडिबाटै लुगाकपडा सँगै अरु सामान पनि किन्ने प्रचलन थ्यो । तर यो वर्ष कोरोना महामारीले गर्दा भर्खर बजार खुलेको छ । हामी चाहीँ अझै आसावादि छौँ कि ग्राहकहरु आउनुहुन्छ र सामान खरिद गर्नुहुन्छ भनेर’, उनले भनिन् ।

गायत्री जस्तै इटहरीको ‘डि डि मार्केट’मा पसल सञ्चालन गर्दै आएकि सरस्वती कार्कीले मान्छेको चहलपहल बढे पनि पसलसम्म ग्राहक नआउने भएकाले व्यावसाय धराशयी बनेको बताइन् । ‘लकडाउन खुलपछिको अवस्थालाई मुल्याङ्कन गर्दा केहिदिन बजारमा देखिएको भिड जस्तै व्यावसायीक कारोबार पनि बढेको छ । तर जति मात्रामा कारोबार हुनुपर्ने हो त्यति हुन सकेको छैन’, उनले भनिन् । साथै उनले गतवर्षको तुलनामा यो वर्षको कारोबार आकाश जमिनको फरक भएको बताइन् । ‘अब गतवर्षसँग तुलना गर्दा त आकाश जमिन कै फरक छ । पहिला हामीलाई सामान बेच्न यो समयमा मारामार हुन्थ्यो तर यो वर्ष त्यस्तो छैन । नयाँ सामान पनि ल्याउन सकेका छैनौँ । ल्याएका सामान पनि विक्रि भएका छैनन्’, उनले भनिन् ।

120101624_344605336659728_1255733206287130285_n

व्यूटि पार्लर र कस्मेटिक पसलमा ग्राहक न्यून

सामान्यतया आम मानिसको अतिआवश्यक नठानिएका तर यो समयमा धेरै कारोबार हुने व्यूटि पार्लर र कस्मेटिक पसलमा पनि खासै ग्राहक देखिदैनन् । कोरोना महामारीले गर्दा मानिसको ध्ययन अत्यावश्यक बस्तु खरिदमा जाने भएकाले यी व्यवसायहरु पनि मारमा परेका छन् । इटहरीमा दिब्या कस्मेटिक पसल सञ्चालन गर्दै आएका अर्जुन दाहालले कोरोना महामारीको समयमा भन्दा अहिले केहि मात्रामा पसलमा पनि ग्राहकको चाप बढेको बताए । ‘कोरोनाको समयमा भन्दा अहिले कारोबार त बढेको छ । तर अझै पनि कोरोनाको त्रस मानिसहरुको मनबाट नभागेकोले उल्लेख्य रुपमा ग्राहक आएका छैनन्’, उने भने । साथै कोरोना महामारीबाट बच्न लागू गरिएको लकडाउनले मानिसको आर्थिक अवस्था पनि कम्जोर भएकाले सोचे जस्तो व्यापार नभएको दाहालले बताए ।

यस्तै इहटरी स्वनिल व्यूटि पार्लर संचालन गर्दै आएकि विजु श्रेष्ठले कोरोनाका कारण ग्राहक नआएकाले आफू जस्तो व्यूटिसियनलाई दशै आएको आभाष नभएको बताइन् । ‘मानिसहरुको पहिलो प्राथामिकतामा गाँसा, बाँस र कपास पर्ने भएकाले अहिले उनिहरु आफ्ना अतिआवश्यक कुरा मात्र पुरा गर्न लागेकाले म जस्ता व्यूटिसियनहरुलाई दशै आएको ‘फिल’ नै भएको छैन’, उने भनिन् । हाल सरकारले पसल संचालन गर्न दिए पनि सामाजिक दुरी कायमा गरेर पसल संचालन गर्न भनेको छ जुन व्यूटि पार्लरमा सम्भव नभएको उनले बताइन् । ‘यो कोरोनाको महामारीमा सरकारले सामाजिक दुरि कायम गरे र उच्च स्वास्थ्य सुरक्षाका मापदण्ड पुरा गरेर व्यावसाय सञ्चालन गर्न भनेको छ । तर व्यूटि पार्लरमा सामाजिक दुरि कायम गरेर हामीले काम नै गर्न सक्दैनौँ । हामीले ग्राहकसँग ‘फिजिकल टच’ गरेर नै काम गर्नुपर्ने हुन्छ । त्यसो भएकाले ग्राहक कम मात्रामा आउँछन्’, उनले भनिन् ।

120261335_251915266183576_2258803844028093741_n

सुन चाँदिको कारोबारमा कमि

पछिल्लो समय सुन चाँदिको भाउ आकाशिएका कारण व्यापार पनि कम हुँदै गएको छ । तर पनि चाडपर्व आउन थालेकाले यसको कारोबार बढ्छ कि भन्ने आशा पलाएको छ । लामो समय कुनै कारोबार नहुँदा यो व्यावसायसँग सम्बन्धीत ब्यक्तिहरु पलायन हुने अवस्थामा पुगेका छन् । इटहरीमा सगरमाथा ज्वेलर्स सञ्चालन गर्दै आएका व्यवसायी टिका लम्गादेले सुनचाँदिको भाउ बढेको कारण र मानिसले सुनचाँदि कन्न इच्छा नै नदेखाएका कारण सुनचाँदिको कारोबार घटेको बताए । ‘सुनचाँदिको भाउ दिन प्रति दिन बढिरहेको छ । यो अवस्थामा हाम्रो कारोबार शून्य नै रहेको भन्दा फरक पर्दैन । खास गरि सुनचाँदि व्यवसाय भनेको मौसमि व्यवसाय हो । विगतका वर्षहरुमा हामीलाई तिज सुरु हुनुभन्दा लगभग १ देखि डेढ महिना अगाडिबाट व्यापारको चटारो सुरु हुन्थ्यो । तर यो वर्ष तिजमा पनि सुनचाँदिको खासै कारोबार भएका त्यसैले हामी मारमा परेका छौँ’, उने भने ।

एका तिर सुनचाँदिको भाउ बढ्दै गएको र अको तर्फ ग्राहक नै नआउने भएकाले सुनचाँदिको कारोबार बन्द हुने अवस्थामा पुगे उनले बताए । साथै उनले बैंकको चर्को व्याज तिर्न नसके पछि सुनचाँदिको व्यावसाय चलाउने व्यवसायीहरु पलायन हुने अवस्थामा पुगेको बताए ।

120332176_341300970545266_2463583620759122784_n

उद्योग बाणिज्य संघ इटहरीको चाडपर्व लक्षित यस्तो योजना

अब व्यवसायीले उद्योग बाणिज्य संघले चाडपर्व लक्षित के गर्दैछ भनेर कुरिरहेका छन् । तर उद्योग बाणिज्य संघ इहटरीले भने व्यवसायीलाई लक्षित गरेर कुनै राहतको कार्यक्रम नआउने बताएको छ । उद्योग बाणिज्य संघ इटहरीका वरिष्ठ उपाध्यक्ष दिवस पोखरेलले संघको तर्फबाट बजार अनुगमनलाई तिव्र रुपमा अगाडि बढाइने बताए । ‘बजारमा चहलपहल बढेपछि स्वास्थ्य मन्त्रालयले पालना गर्न लाएको जनस्वास्थ्यका उपकरणहरु प्रयोग भएको छ कि छैन भनेर हामी अनुगमन गर्छौँ । जिल्ला प्रशासन कार्यालयको रोहवरमा स्थानीय सरकारसँग मिलेर हामी बजार अनुगमनलाई तिव्रता दिन्छौँ’, उने भने ।

प्रतिक्रिया दिनुहोस

प्रदेश १ को हजार बेडको कोभिड अस्पतालको छैन पत्तो ,नागरिक केयर सेन्टर निर्माणमा पनि ढिलासुस्ती

विराटनगरः प्रदेश १ सरकारले बनाउने भनेर घोषणा गरेको एक हजार बेड क्षमताको कोभिड १९ अस्पालको अझै पत्तो ...

नेकपामा देखिएको विवाद हटाउन महाधिवेसन आवश्यक छः प्रेस संगठन इन्चार्ज गौतम

संखुवासभाः नेकपामा केन्द्रिय कमिटि सदस्य तथा प्रेस संगठनका इन्चार्ज एवम् प्रतिनिधिसभा सदस्य राजेन्द् ...

हत्या गरेपछि अपहरणको नाटक, मृतककै नम्बरबाट फिरौती माग

इटहरीः मसिंर १० गते सुनसरीको दुहबी नगरपालिका २ बीरगाँउका १७ वर्षीय सुजन नारायण चौधरी दिनभर घरमै व्यस ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved