दाहसँस्कार भइसकेको राजतन्त्र ब्युँताउनु निरर्थकः पहाडी

  • माघ ३, २०७७
  • १४७ पटक पढिएको
  • गंगा पोद्दार
alt

इटहरीः सुनसरीको इटहरीस्थित कबिर माध्यमिक विद्यालयमा आज मानव अधिकार तथा शान्ति समाज सुनसरी शाखाले एक कार्यक्रम आयोजना गरी संघीय संसदको प्रतिनिधिसभा भंग गर्ने सरकारको असंंवैधानिक कदमप्रति विरोध प्रकट गरेको छ । समाजका  संस्थापक अध्यक्ष तथा वरिष्ठ मानव अधिकारकर्मी कृष्ण पहाडीसहित अन्य पदाधिकारी तथा साहित्यकार, राजनीतिकर्मीलगायत अन्य व्यक्तिहरुको उपस्थितिमा कार्यक्रम सम्पन्न भएको हो । कार्यक्रमलाई सम्बोधन गर्दै वरिष्ठ मानव अधिकारकर्मी पहाडीले समाजले सरकारको असंवैधानिक कदमविरुद्ध देशव्यापी रुपमा हालसम्म ९२ ओटा प्रदर्शन आयोजना गरिसकेको बताए ।

आणविक हतियारको प्रयोगमाथि विश्वमै प्रतिबन्ध लगाउनुपर्ने आवाज समाजले स्थापनाकालदेखि नै उठाउँदै आएकोमा संयुक्त राष्ट्रसंघले आणविक अस्त्र निषेध सन्धि जारी गरेको उनको भनाइ थियो । संसदीय मत र सडक संघर्षबाट संसदको आयु निर्धारण हुने बताउँदै पहाडीले दाहसँस्कार भइसकेको राजतन्त्र ब्युँताउनु निरर्थक भएको बताए । राजतन्त्र ब्युँताउने भए राणा शासन पनि किन नब्युँताउने भन्दै उनले यस्ता कार्यले देशलाई पछाडि धकेल्ने उल्लेख गरे । 

दलको आन्तरिक किचलोका कारण सार्वभौम संसद विघटन गर्नु अपराध भएको बताउँदै उनले महामारीका समयमा भिडभाड हुनेगरी चुनाव घोषणा गर्नु अमानवीय भएको बताए । लोकतन्त्रमा जनता सबैभन्दा शक्तिशाली हुने भन्दै पहाडीले स्वतन्त्रताको रक्षाका लागि नागरिक समाज सक्रिय हुनुपर्नेमा जोड दिए । मधेशमा उत्पन्न विद्रोहका कारण मुलुकमा संघीयता स्थापना भएको उल्लेख गर्दै उनले संविधान महत्वपूर्ण उपलब्धि भएकाले सुधारका लागि संशोधन गर्न सकिने भएपनि पुनर्लेखन गर्न नहुने विचार व्यक्त गरे ।

kdf

नेपालको संविधान औसत प्रकृतिको भएकाले सुधार आवश्यक रहेको उनको भनाइ थियो । संसद विघटन गर्ने प्रावधान संविधानमा नरहेकाले वैशाखमा चुनाव नहुने र संसद पुनस्र्थापना हुने उनले उल्लेख गरे । यसैगरी, अर्का वक्ता विघटित प्रतिनिधिसभाका सांसद सीताराम मेहताले राष्ट्रको कुटनीतिक क्षेत्रमा खुलेआम हस्तक्षेप भइरहेको बताए । मेहताले दलहरुबीचको साँठगाँठबाट संसद विघटन भएको हुनसक्ने आशंका व्यक्त गरे । यसैगरी अर्का वक्ता मानव अधिकार सञ्जाल सुनसरीका संयोजक रमेश भट्टराईले संविधानको मर्मविपरीत सरकारले गरेको कू विरुद्ध सबै नागरिक एक भएर आवाज उठाउनुपर्ने बताए ।
मानव अधिकार तथा शान्ति समाज सुनसरीका सभापति पुरुषोत्तम घिमिरेको सभापतित्वमा सम्पन्न कार्यक्रममा विघटित प्रतिनिधिसभाका सांसद सीताराम मेहताले प्रमुख आतिथ्य ग्रहण गरेका थिए । जिल्ला सदस्य सीताराम कोइरालाले स्वागत मन्तव्य व्यक्त गरेको कार्यक्रममा अर्की जिल्ला सदस्य तथा कबिर माध्यमिक विद्यालयकी प्रधानाध्यापक मिनु न्यौपानेले धन्यवाद ज्ञापन गरेकी थिइन् । समाजका कार्यवाहक सचिव रोवनराज कार्कीले सञ्चालन गरेको कार्यक्रममा साहित्यकार मनु मञ्जिल, मोरङ सभापति भेषराज पोख्रेल, केन्द्रीय सभापति उत्तम पुडासैनी लगायतले बोलेका थिए । यसैबीच, सोही कार्यक्रमका अवसरमा समाजको सुनसरी जिल्ला कार्यसमितिसमेत चयन भएको भएको छ ।

११ सदस्यीय समितिका सभापतिमा सीताराम कोइराला, उपसभापतिमा हेमन्त गौतम, सचिवमा रोवनराज कार्की, सहसचिवमा मिनु न्यौपाने र कोषाध्यक्षमा राकेशकुमार दास निर्विरोध निर्वाचित भएका छन् । यसैगरी, समाजका सदस्यमा युवराज काफ्ले, मोहनकुमार बञ्जरा, पुष्कल पराजुली, योसा गुरागाईँ र सुभद्रा संग्रौला चयन भएका छन् । यस्तै, दलबहादुर साह दलित सदस्यमा निर्वाचित भएका छन् । शाखाको सक्रियताका लागि २५ जना सदस्य अनिवार्य रहेकाले अन्य कार्यसमितिको पहिलो बैठकले अन्य सदस्यको मनोनयन गर्ने समाजका केन्द्रीय उपाध्यक्ष विष्णु चापागाईँले बताए ।

प्रतिक्रिया दिनुहोस

उर्लाबारीमा सन्थाल जातिको एकीकृत बस्ती बन्दै

झापाः शहरी विकास मन्त्रालयले मोरङको उर्लाबारी नगरपालिकामा सन्थाल जातिको एकीकृत बस्ती निर्माण गर्ने भ ...

बालिका बलात्कार गरी फरार रहेका अभियुक्त पक्राउ

इटहरीः ११ वर्षीया बालिकालाई जबर्जस्ति करणी गरी फरार रहेका एक जना अभियुक्तलाई मोरङ प्रहरीले आज पक्राउ ...

युवकलाई बन्धक बनाई १० लाख फिरौति माग्ने महिलासहित तीन जना पक्राउ

इटहरीः मोरङको विराटनगर महानगरपालिका १६ स्थित हरैया घर भएका २३ वर्षीय सुवास कामतको अपहरणमा संलग्न रहे ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • मार्केटिङ प्रमुखः देवराज पुरी
  •   ९८६२३०११३८, ९८१९०३१०६२
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2021 - pradeshportal.com All rights reserved