अपाङ्गता भएका व्यक्तिहरुको स्वास्थ्य जाँच र परिचयपत्र वितरण सुरु

  • माघ १५, २०७७
  • ९१ पटक पढिएको
  • शंकर खत्री
alt

इटहरीः शारीरिक वा मानसिक रुपमा अपाङ्गता भएका वा फरक शारीरिक क्षमता भएकाहरु सरकारको प्राथमिकतामा नपरेको भन्दै चर्को आलोचना हुने गरेको छ । तर, मोरङको सुन्दरहरैँचा नगरपालिकाको हकमा भने यो कुरा ठिक विपरीत छ । नगरपालिकाले वडा वडामा गएर त्यस्ता नागरिकहरुको स्वास्थ्य परीक्षण गर्नुको साथै परिचयपत्र वितरण गर्न थालेपछि अपाङ्गता भएका नागरिकहरुको मुहारमा खुसी छाएको छ । नगरपालिकाको वडा नम्बर ४ बाँसबारीमा रहेको वडा कार्यालयमा स्वास्थ्य परीक्षण गर्न आएका गछियाका दलबहादुर कार्कीले घर घरमा नै गएर आफूहरुलाई यहाँ ल्याइएकोमा खुसी लागेको बताए । आफैँमा अपाङ्गता भएका उनी घरमै गएर गाडीमा ल्याएर उपचार गरएको र त्यसले आफूलाई थप हौसला मिलेको बताउँछन् ।

उनीजस्तै यहाँ उपचार तथा परिचयपत्र लिन आउने अन्य व्यक्ति पनि यो सेवाबाट खुसी देखिएका छन् । नेपाल अपाङ्ग महिला संघ मोरङकी अध्यक्ष मीना आचार्यले अपाङ्गता भएका व्यक्तिहरु परिवारबाट अपहेलित भएर सरकार तथा विभिन्न निकायबाट सञ्चालन हुने कार्यक्रमबाट वञ्चित भएको जानकारी दिइन् । यो कार्यक्रमले नगरमा रहेका त्यस्ता व्यक्तिहरुलाई सहजता भएको उनको भनाइ छ । ‘परिवारले अपाङ्गता भएका नागरिकहरुलाई नगरपालिका र अन्य ठाउँबाट सञ्चालन भएका कार्यक्रमहरुमा सहभागी नगराएको पाइएको छ सुन्दरहरैँचामा । त्यस्ता व्यक्तिहरुलाई लक्षित गरेर नगरले कार्यक्रम सुरु गरेको छ । माघ ७ गतेबाट सुरु भएको यो कायक्रम एक सतासम्म चल्ने छ’, उनले भनिन् ।

नगरले यहाँका १२ वटै वडा कार्यालयमा यो अभियान सुरु गरेको सुन्दरहरैँचा नगरपालिका वडा नम्बर ४ का अध्यक्ष शैलेन्द्र श्रेष्ठले जानकारी दिए । नगरभित्रका अपाङ्गता भएका व्यक्तिहरुको स्वास्थ्य जाँच गर्न अति आवश्यक भएकाले यो कार्यक्रमको थालनी गरिएको उनको भनाइ छ । ‘नगरभित्रका अपाङ्गता भएका व्यक्तिहरुको स्वास्थ्य जाँच गर्न अति आवश्यक भएकाले नगरले १२ वटै वडामा रहेका त्यस्ता व्यक्तिहरुको उपचार गर्न यो कार्यक्रम गरेको छ । त्योसँगै अपाङ्गता भएका व्यक्तिहरुलाई हामीले परिचयपत्र पनि वितरण गरेका छौँ । यो कार्यक्रममा कोही पनि नछुटुन् भनेर हामीले गाडिको व्यवस्था गरेका छौँ । यसले त्यस्ता व्यक्तिहरुलाई अझै सहझ भएको छ’, उनले भने । गत ७ गतेबाट सुरु भएको यो कार्यक्रमा नगरभित्रका अपाङ्गता भएका नागरिकहरुको पहिचान गर्ने, उनीहरुलाई परिचयपत्र प्रदान गर्ने र स्वास्थ्य उपचार गर्ने नगरको लक्ष्य रहेको छ । सरकारी तवरबाट भएको यो कार्यक्रमको अपाङ्गताका क्षेत्रका काम गर्ने व्यक्ति तथा संस्थाहरुले प्रशंसा गरेका छन् ।

प्रतिक्रिया दिनुहोस

उर्लाबारीमा सन्थाल जातिको एकीकृत बस्ती बन्दै

झापाः शहरी विकास मन्त्रालयले मोरङको उर्लाबारी नगरपालिकामा सन्थाल जातिको एकीकृत बस्ती निर्माण गर्ने भ ...

बालिका बलात्कार गरी फरार रहेका अभियुक्त पक्राउ

इटहरीः ११ वर्षीया बालिकालाई जबर्जस्ति करणी गरी फरार रहेका एक जना अभियुक्तलाई मोरङ प्रहरीले आज पक्राउ ...

युवकलाई बन्धक बनाई १० लाख फिरौति माग्ने महिलासहित तीन जना पक्राउ

इटहरीः मोरङको विराटनगर महानगरपालिका १६ स्थित हरैया घर भएका २३ वर्षीय सुवास कामतको अपहरणमा संलग्न रहे ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • मार्केटिङ प्रमुखः देवराज पुरी
  •   ९८६२३०११३८, ९८१९०३१०६२
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2021 - pradeshportal.com All rights reserved