यस्तो छ दशैं टीकाको मुटु हल्लाउने तस्बिर कथा बिरामीसँग नर्सले टीका लगाएको तस्बिर भयो भाइरल

  • प्रकाशित मितिः कार्तिक ३, २०७५
  • ११९७४ पटक पढिएको
  • प्रदेश पोर्टल
alt

इटहरीः शुक्रबार बिहान दशैको शुभ साइतपछि एउटा फोटो एकाएक फेसबुकमा लोकप्रिय भयो । विजयादशमीको शुभ साइत (९ बजेर ५१ मिनेट) को १ घण्टापछि अपलोड भएको तस्बिरलाई धेरैले मन पराए ।

अस्पतालको २०७ नम्बरको शैयाका बिरामीले टीका लाएको तस्बिरमा देखिन्छ। सो तस्बिरमा वृद्धले लगाइदिँदै गरेको अक्षताको थाली अर्का व्यक्तिले समाएका छन् । थाली समाउनेको हात मात्रै देखिन्छ । भित्तामा रहेको धड्कन नाप्ने यन्त्रको मोनिटरले प्रतिमिनेट १३० पटकका दरले मुटु धड्किएको देखाएको छ ।

मानिसको मुटुको सामान्य धड्कन प्रतिमिनेट ७२ पटकदेखि १०० पटकसम्म मानिन्छ । तर, ती वृद्ध बिरामीको धड्कन असामान्य थियो । यस्तो असामान्य अवस्थामा पनि ती वृद्धले सामान्य भएर मुस्कुराएर टीका लगाइरहेका छन् ।

समिता मिश्रले यो मन छुने तस्बिर आफ्नो फेसबुकको भित्तामा पोस्ट गर्दै ‘आज इन्टरनेटमा आएको सबैभन्दा आकर्षक तस्बिर’ भनिन् । झापाकी कवि सम्पदा रिजालले मिश्रभन्दा एक कदम अगाडि बढेर लेखिन्, ‘वर्षकै उत्कृष्ट तस्बिर ।’

यस्तो छ सो तस्बिरको कथा
तस्बिरमा देखिएका वृद्ध हुन् ८० वर्षीय गणेशबहादुर श्रेष्ठ । नेपाल क्यान्सर अस्पतालमा पित्तथैलीको क्यान्सरको उपचार गराइरहेका छन् श्रेष्ठ । श्रेष्ठसँग दशैंको टीका लगाउन अस्पतालको शैयामै पुग्छन् आफन्तजनहरू ।

११ बजे असापास श्रेष्ठले आफन्तलाई टीका लगाइरहेकै अवस्थमा ड्युटी गर्न पुगिन् नर्स विनिता खतिवडा । मोरङको कानेपोखरी गाउँपालिका–६ रमाइलोकी खतिवडाले पनि त्यही बेलामा टीका लगाइन् ।

११ बजेदेखि ७ बजेसम्म गर्नुपर्ने ड्युटीमा आएकी उनलाई टीका लगाउने जाँगर चल्नुमा उनले यस पटक घरमा गएर दशैं मान्न नपाएर हो । यही वर्षको असारबाट मात्रै सो अस्पतालमा जागिर शुरु गरेकाले घर जान नपाएको खतिवडाले बताइन् । उनले भनिन्, ‘म ड्युटीमा पुग्दा टीका लगाएको देखँे र मैले पनि लाएँ ।’

भक्तपुरको ठिमीमा डेरा गरी बस्ने खतिवडाले आफूले दशैं मान्न नपाएको रहर आफ्ना वृद्ध बिरामीबाट पूरा गर्न पाएकोमा खुशी व्यक्त गरिन् । उनले भनिन्, ‘दशैंमा टीका लाउने र आशीर्वाद लिने हो । मैले उहाँबाट त्यो दुवै गरेँ । मैले ड्युटीमै दशैं मनाउन पाएँ ।’

प्रतिक्रिया दिनुहोस

कोशीहरैंचा उद्योग वाणिज्य सङ्घमा पुरानै का

विराटचोकः उद्योग वाणिज्य सङ्घ कोशी हरैंचाले १ वर्ष पुरानै कार्यसमितिलाई निरन्तरता दिने निर्णय गरेको छ । सङ्घको ८ आंै वार्षिक साधारण सभाले सो निर्णय गरेको हो । नयाँ सदस्यताको विषयलाई लिएर नेकपा र काङ्ग्रेसं समर्थित उद्योग वाणिज्य सङ्घका पदाधिकारी बीच मतभेद देखिएपछि सङ्घले नयाँ ने

उपमहानगरको दमकलः दमकल हो कि पानी बोक्ने ट्

इटहरीः वारुणयन्त्र संवेदनशील क्षेत्र भए पनि प्रविधिको प्रयोग नहुँदा दमकल र पानी बोक्ने ट्याङ्करमा खासै फरक देखिन छाडेको छ । आम जनताले पनि दमकल भन्नेबित्तिकै पानी बोक्ने ट्याङ्करको रूपमा बुझ्न थालेका छन् । दमकलमा आगोसँग लड्न पानी मात्र होइन आवश्यक अन्य सुरक्षा पनि हुन आवश्यक मानिन

प्रहरी कार्यालयभित्र वकिलमाथि हातपात गरेको

इनरुवाः सुनसरीको दुहबीमा प्रहरी कार्यालयभित्र दुई पक्षीय छलफलका क्रममा एक जना कानुन व्यवसायीलाई प्रहरी अधिकृतहरूले हातपात गरेको आरोप लगाइएको छ । शुक्रबार इलाका प्रहरी कार्यालय दुहबीमा सवारी दुर्घटना समबन्धी घटनामा छलफल हुँदा सुनसरी जिल्ला अदालत बार एसोसिएसन इकाइका सदस्य समेत रहे


इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण वहाब भट्टराई
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2018 - pradeshportal.com All rights reserved