‘छिमेकी राइजिङ स्टार’ भइन् धरान–१६ की समिता लिम्बू

  • कार्तिक २०, २०७५
  • ११४ पटक पढिएको
  • प्रदेश पोर्टल
alt

धरानः यस वर्षको ‘छिमेकी राइजिङ स्टार’ धरान–१६ की समिता लिम्बू बनेकी छिन् ।

छिमेकी युवा समूहले धरान–१२ स्थित चतरालाइनमा सोमबार गरेको ‘२० औं छिमेकी साँझ–२०७५’ को अवसरमा गायन प्रतियोगिता आयोजना गरेको थियो ।

सो प्रतियोगितामा आफ्ना ५ प्रतिष्पर्धीलाई पछि पार्दै लिम्बू ‘छिमेकी राइजिङ स्टार’ बनेकी हुन् । उनले आफ्नो सुरिलो स्वरमा ‘शान्ति लुकाऔं कहाँ....’ बोलको गीत गाएकी थिइन् । विजेता बनेसँगै उनले नगद २५ हजार रुपैयाँसहित ट्रफी हात पारिन् । उनलाई सो पुरस्कार एन्फाका मानार्थ उपाध्यक्ष किशोर राई र आयोजक समूहका अध्यक्ष राजेन्द्र राईले प्रदान गरे ।

प्रतियोगिताका निर्णायकमा गायक मनोहर शाक्य र सङ्गीतकारद्वय राजु थापा र भानु थापा थिए । छिमेकीले पहिलो पटक गायन प्रतियोगिताको आयोजना गरेको हो । धरान सङ्गीत प्रतिष्ठानको सहकार्यमा केही दिनअघि मात्र अन्तिम प्रतिस्पर्धाका लागि ६ जनालाई छनोट गरिएको थियो ।

प्रतियोगिताको अडिसनमा धरानका ८० जनाको सहभागी थिए । सो साँझमा चर्चित गायिका मेलिना राईले पनि धराने फ्यानहरूलाई नचाइन् । रातको करिब ११ बजेतिर स्टेजमा उक्लेकी मेलिनाले चलचित्र नोभेम्बर रेनको ‘चाहना मेरो...’ बोलको गीतबाट आफ्नो प्रस्तुति प्रारम्भ गरिन् । उनले आफ्ना नयाँ र पुराना आधा दर्जन गीत प्रस्तुत गरेकी थिइन् ।

धराने फ्यानको आग्रहमा मेलिनाले लगातार तिमीले बाटो फेर्याै अरे..., नाच फिरीरी..., चरीजस्तै उड्न पाए..., ‘माछीले खाने खोलीको लेउ..., आएँ म त कान्छा तिम्रो छेउ...’ लगायतका आफ्ना चर्चित गीत पस्केकी थिइन् । मेलिनालाई प्रत्येक गीतमा दर्शकले सँगसँगै गाएर साथ दिएका थिए । बेलाबेलामा मेलिनाले धरानको प्रशंसासमेत गर्न भ्याइन् । उनले भनिन्, ‘धरान कत्ति सफा शहर छ, काठमाडौं त धुलै धुलो छ ।’ धरानेहरूको मन पनि सफा छ होला है ।’ कार्यक्रम हेर्न आएका अधिकांश दर्शक मेलिनाको गीतमा कम्मर मर्काईमर्काई नाचेका थिए ।

यसैगरी, गायक शिव लामिछानेले पनि लाइभ म्युजिकमार्फत् आफ्ना प्रस्तुति दिएका थिए । छिमेकीले उनलाई ‘बहुआयामिक व्यक्तित्व’ को रूपमा सम्मानित गरेको थियो । गायक लामिछाने वराह इन्डष्ट्रिज प्रालिका अध्यक्ष समेत हुन् ।

यस्तै, गायिका प्राश्ना शाक्यले पनि आफ्नो प्रस्तुति दिएकी थिइन् । साथै, गायक कृष्णराजा श्रेष्ठ, मेरी शाक्यलगायतले पनि आफ्नो प्रस्तुुति दिएका थिए । खेलकुद क्षेत्रमा योगदान गरेका धरानका पूर्व फुटबल खेलाडी बिरु राई र कुमार सुब्बालाई सम्मानित गरिएको थियो । राई र सुब्बा २०३५ सालको त्रिभुवन गोल्डकपको विजेता समेत हुन् ।

उनीहरूले त्यतिबेला छिमेकी–११ (हालको छिमेकी युवा समाज)बाट सहभागिता जनाएका थिए । कार्यक्रमबाट सञ्चित भएको रकम छिमेकीको बिग्रिएर थन्किएको एम्बुलेन्स मर्मतमा खर्च गरिने समूहका अध्यक्ष राईले बताए । ‘छिमेकीले १५ वर्षदेखि सञ्चालन गर्दै आएको एम्बुुलेन्स छ । अहिले ग्यारेजमा थन्किएको छ । कार्यक्रमबाट सञ्चित भएको रकम एम्बुलेन्सको मर्मतमा खर्च गर्नेछौं,’ समूहका अध्यक्ष राईले भने ।

chhimeki sanjh (1) chhimeki sanjh (2) chhimeki sanjh (4)

प्रतिक्रिया दिनुहोस

भूकम्प दिवसमो इटहरी ...

इटहरीः इटहरीलाई भूकम्पीय दृष्टिले सुरक्षित शहर बनाउन भवन निर्माण संहितालाई कडाइका साथ कार्यान्वयन गर ...

इँटाभट्टाबाट ६ बालमज ...

विराटनगरः मोरङको कटहरी गाउँपालिकामा सञ्चालित एक इँट्टाभट्टाबाट श्रम गरिरहेका ६ जना बालकको उद्धार गरि ...

ढिलासुस्ती र गल्ती ब ...

फाइल तस्बिर झापाः नेपाली काङ्ग्रेसका नेता कृष्णप्रसाद सिटौलाले प्रधानमन्त्रीलाई आत्मसमीक्षासहित ढिल ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
  • प्रधान सम्पादक: राजेश विद्रोही
  • महाप्रबन्धकः बद्री प्रसाद पोख्रेल (भिखारी)
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण बहाब भट्टराई
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)
  • लेखाः समीक्षा केसी
  • संवाददाताः कविराज घिमिरे, धनकुटा

Copyright © 2018 / 2019 - pradeshportal.com All rights reserved