सेन्ट्रल प्लाजाको त्यो प्रविधि, जसले इटहरीको आगलागी छिटो निभ्यो

  • प्रकाशित मितिः कार्तिक २२, २०७५
  • ११८८८ पटक पढिएको
  • प्रदेश पोर्टल
alt

इटहरीः हिजो इटहरीको मध्य बजारमा रहेको धरान लाइनको रेखा पराजुलीको घरमा आगो लाग्यो ।

१ बजेर २० मिनेट हाराहारीमा लागेको अनुमान गरिएको आगोले पराजुलीको घरमा व्यवसाय गर्दै आएका नेत्र भट्टराईको सप्तकोशी इलेक्ट्रोनिक्स पसलमा ठुलो क्षति गर्यो ।

पराजुलीको घरमा सल्केको आगोले छिमेकी गणेश लुइँटेलको कपडा पसल भएको घरमा पनि क्षति गर्यो । क्षति कम गराउन इटहरीबाहेक धरान, विराटनगर, दुहबी, इनरुवा, दमक, सुन्दरहरैचा आदि क्षेत्रबाट ८ वटा दमकल आए । ८ वटै दमकलले इटहरी बजार क्षेत्रमै रहेको उपमहानगर परिसरको पोखरीबाट धमाधम पानी उघाएर आगो निभाउन थाले ।

तर सारा दमकलभन्दा स्तरीय र कम झन्झटले अग्नि नियन्त्रकले सेन्ट्रल प्लाजाबाट आगो निभाइरहेका थिए । दमकलमा आएको पानीले १५ मिनेट हाराहारी मात्रै पुग्थ्यो । अनि, फेरि लिएर आउँदाजाँदा समय धेरै लाग्ने । दमकलको ठाउँठाउँमा पाइप फुटेको थियो । हात र प्लास्टिकले टालेर काम चालउने बाध्यता देखिन्थ्यो । तर, ती सब असहजतालाई सहज बनाउन सेन्ट्रल प्लाजाको प्रविधि धैरै राम्रो भयो । पानी पाइपमा जोडेपछि निरन्तर कुनै अवरोधबिना गइरह्यो । यसले पानी भरेर आउने जाने दमकल भन्दा सजिलो भयो । दमकलले भेट्न नसक्ने ठाउँमा पनि सो प्रविधिबाट पानी चढाएर आगलागी नियन्त्रण भयो । इटहरी बजारको थप क्षति हुनबाट जोगियो ।

के हो सेन्ट्रल प्लाजाको त्यो प्रविधि ?
इटहरी बजार क्षेत्रमा बनेको सेन्ट्रल प्लाजा सबैभन्दा अग्लो भवन मात्रै होइन सबैभन्दा अत्याधुनिक भवन पनि हो । यहाँ आगलागी नियन्त्रण गर्नलाई आफ्नै प्रविधि जडित छ । जसअनुसार भवनको हरेक फ्लोरमा एक भल्भ ल्याइएको हुन्छ जहाँ जमिनमुनि जमाएको पानी निकालेर आगलागी भएको क्षेत्रमा पुर्याइन्छ ।

भुइँतलामा २ लाख लिटरको पानी ट्यांकी छ । जहाँबाट पानी तानेर आगलागी नियन्त्रण गर्न सकिन्छ । निरन्तर बोरिङ भएर आउने पानी ट्यांकी भरिएपछि स्वतःःबन्द हुन्छ । २ सय मिटर मुनिबाट तानिएको बोरिङ छ । १ लाख स्क्वायर फिटको भवन मुनि वारपार यो ट्यांकी जडान गरिएको छ ।

पानी एक सेकेन्ड पनि नरोकिइकन लगातार घन्टौंसम्म आउँछ । पानीको प्रेसर पनि यसमा दमकल भन्दा अत्यन्तै धेरै हुन्छ । पानी लिकेज हुने, पाइज जडान गर्ने अनि सकेपछि फेरि भर्न जाने दमकलको जस्तो झण्झट हुँदैन ।

सेन्ट्रल प्लाजाका मेनेजिङ डाइरेक्टर सिद्धार्थ श्रेष्ठका अनुसार यो प्रविधिलाई फायर फाइटिङ रिजर्भ ट्यांकी भनिन्छ । यो जडान, उपकरण र अन्य सबै खर्चमा न्यूनतम ३० लाख खर्च हुन्छ । विदेशमा सबै व्यावसायिक भवनमा यो प्रविधि छ । काठमाडौंमा पनि नयाँ व्यावसायिक भवनमा यो प्रविधि अनिवार्य गरिएको छ । इटहरीमा भने यो प्रविधिले बनेको घर सेन्ट्रल प्लाजा मात्रै हो । सेन्ट्रल प्लाजाबाट १ सय मिटर भन्दा नजिक रहेको पराजुलीको घरमा दमकल भन्दा राम्रोसँग यो प्रविधिबाट पानी फयाँकेर आगो निभाइएको थियो । दमकलजस्तो हतास, तनावबिना यो काम गर्न सकिएको श्रेष्ठले बताए ।

प्रविधि जडान गर्दा महँगो भयो भन्ने लागे पनि विपतमा कराडौँको क्षति जोगाएकोमा खुशी लागेको श्रेष्ठले बताए । ‘लाखौँको यो प्रविधिले करोडौँको क्षति जोगायो’, श्रेष्ठले भने, ‘अझ अन्य घरले त हाम्रा घरहरु जोगाउनुभयो भनेर आशिष दिनुभएको छ । त्यो कुराले झन् खुशी लागेको छ ।’

aag0 niyantran prabidhi (1) aag0 niyantran prabidhi (6) aag0 niyantran prabidhi (5) aag0 niyantran prabidhi (4)

प्रतिक्रिया दिनुहोस

कोशीहरैंचा उद्योग वाणिज्य सङ्घमा पुरानै का

विराटचोकः उद्योग वाणिज्य सङ्घ कोशी हरैंचाले १ वर्ष पुरानै कार्यसमितिलाई निरन्तरता दिने निर्णय गरेको छ । सङ्घको ८ आंै वार्षिक साधारण सभाले सो निर्णय गरेको हो । नयाँ सदस्यताको विषयलाई लिएर नेकपा र काङ्ग्रेसं समर्थित उद्योग वाणिज्य सङ्घका पदाधिकारी बीच मतभेद देखिएपछि सङ्घले नयाँ ने

उपमहानगरको दमकलः दमकल हो कि पानी बोक्ने ट्

इटहरीः वारुणयन्त्र संवेदनशील क्षेत्र भए पनि प्रविधिको प्रयोग नहुँदा दमकल र पानी बोक्ने ट्याङ्करमा खासै फरक देखिन छाडेको छ । आम जनताले पनि दमकल भन्नेबित्तिकै पानी बोक्ने ट्याङ्करको रूपमा बुझ्न थालेका छन् । दमकलमा आगोसँग लड्न पानी मात्र होइन आवश्यक अन्य सुरक्षा पनि हुन आवश्यक मानिन

प्रहरी कार्यालयभित्र वकिलमाथि हातपात गरेको

इनरुवाः सुनसरीको दुहबीमा प्रहरी कार्यालयभित्र दुई पक्षीय छलफलका क्रममा एक जना कानुन व्यवसायीलाई प्रहरी अधिकृतहरूले हातपात गरेको आरोप लगाइएको छ । शुक्रबार इलाका प्रहरी कार्यालय दुहबीमा सवारी दुर्घटना समबन्धी घटनामा छलफल हुँदा सुनसरी जिल्ला अदालत बार एसोसिएसन इकाइका सदस्य समेत रहे


इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण वहाब भट्टराई
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2018 - pradeshportal.com All rights reserved