इटहरीका होटल व्यवसायीलाई कोरोना विरुद्धको खोप लगाइने

  • श्रावण १५, २०७८
  • ६३२ पटक पढिएको
  • प्रदेश पोर्टल
alt

इटहरीः होटल व्यवसायी संघ इटहरीले आफूसँग आबद्ध होटल व्यवसायी तथा कामदारका लागि कोरोना विरुद्धको खोप उपलब्ध गराउने भएको छ ।

पर्यटन व्यवसायी संघ सुनसरीको सहकार्य तथा जिल्ला प्रशासन कार्यालय सुनसरीको समन्वयमा यही आउने आइतबार र सोमबार खोप वितरण गर्न लागिएको होटल व्यवसायी संघ इटहरीका अध्यक्ष जीवन पराजुलीले जानकारी दिए । उनका अनुसार कोरोना महामारीबाट ठप्प बन्न पुगेको पर्यटन व्यवसायलाई पुनर्जीवित बनाउनका लागि होटल व्यवसायी तथा कामदारलाई खोप दिने प्रबन्ध गरिएको हो । जिल्ला प्रशासन कार्यालय सुनसरीमार्फत् सुनसरीभरका होटल व्यवसायी तथा कामदारहरुका लागि स्वास्थ्य कार्यालयले पहिलो चरणमा एक हजार डोज खोप उपलब्ध गराउन लागेको होटल व्यवसायी संघ इटहरीका महासचिव जयप्रसाद उपाध्याय पौडेलले बताए ।

उनका अनुसार दुई चरणमा सञ्चालन गरिने खोप अभियानमा चिनियाँ कम्पनीको भेरोसेल खोप प्रदान गरिनेछ । खोप वितरणलाई व्यवस्थित गर्नका लागि इटहरीका होटल व्यवसायीहरुको तथ्याङ्क संकलन जारी रहेको संघकी महिला उपाध्यक्ष पुनम थापामगरले बताइन् । उनका अनुसार संघले जारी गरेको परिचयपत्र र पहेँलो कार्डका आधारमा खोप वितरण गरिनेछ । खोप वितरण प्रकृयालाई प्रभावकारी बनाउन होटल व्यवसायीका लागि छुट्टै खोप केन्द्रको व्यवस्था गरी खोप वितरण गर्न जिल्ला प्रशासन कार्यालयलाई आग्रह गरिने संघका उपाध्यक्ष प्रकाश महतोले जानकारी दिए । होटल व्यवसायीहरुको स्वास्थ्य सुरक्षालाई मध्यनजर गर्दै प्रदेशमै पहिलो पटक सुनसरीमा कोरोना विरुद्धको खोपको व्यवस्था मिलाइएको उनको भनाइ छ । आफूहरुको आग्रहलाई स्वीकार गरी खोप उपलब्ध गराइदिने सम्बद्ध सबै पक्षलाई उनले धन्यवादसमेत दिएका छन् ।

प्रतिक्रिया दिनुहोस

महालक्ष्मी विकास बैक र आर्या ब्युटि आर्टबीच ग्राहकलाई सहुलियत दिने सम्झौता

धरानः आर्या ब्युटि आर्ट एण्ड एकेडेमी र महालक्ष्मी विकास बैंकबीच ग्राहकलाई सहुलियत दिने विषयमा सम्झौत ...

खतरा महसुस हुनेबित्तिकै खबर गर्नुहोस्: प्रहरी

काठमाडौँः नेपालीहरूको मुख्य चाड नजिकिएसँगै नेपाल प्रहरीले आफ्नो निगरानी बढाउन थालेको छ । चाडपर्वमा ...

बेन्च–बार द्वन्द्व स् सर्वोच्चले माग्दा बारले एमिकस क्युरी नै पठाएन

काठमाडौँः सर्वोच्च अदालतले संवैधानिक इजलासको संरचनाका विषयमा परेको रिटमा एमिकस क्युरी मागेकोमा नेपाल ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • फाेटाे पत्रकारः गुरू ढकाल, वुलेट खतिवडा
  • मार्केटिङ प्रमुखः देवराज पुरी
  •   ९८६२३०११३८, ९८१९०३१०६२
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2021 - pradeshportal.com All rights reserved