रक्सी किन पिउने? किन नपिउने ?

  • भदौ ७, २०७८
  • ६१२ पटक पढिएको
  • प्रकाश बन्जारा
alt

इटहरीः सामान्यतया मान्छेहरु खुल्ला रुपमा म रक्सी पिउँछु भन्दैनन् । पिउँदिन भन्दा साथीभाइ पत्याउँदैनन्, कति त आफन्तले पनि विश्वास नै गर्दैनन् । “देश विदेश हिँडेको मान्छे रक्सी पिउँदैन भनेर कसरी पत्याउनु ?” प्राय सबैको एउटै प्रश्न हुन्छ । बेउत्तर हुनेहरुले भन्छन् “पहिला पिउँथे अहिले छोडेको छु ।”

पहिला पहिला रक्सी भन्नेबित्तिकै घरेलु रक्सी मात्र हुन्थ्यो । ठूलो पैसा पर्ने महङ्गा बोतलमा सबैको पहुँच थिएन । दिनभरि श्रम गर्नेहरु पीडा भुलाउन एक गिलास पिउँथे । त्यो एक गिलासले काम गर्ने उर्जा थपिदिन्थ्यो, फेरि काममा जान्थे । रक्सी खानेमा २ थरी मान्छे छन् । केही जनजातिहरुकोमा रक्सी बनाइन्छ, उनीहरुको देवीदेउतालाई चढाउन पनि रक्सी नै चाहिन्छ । अहिले पनि बुढापाकाले भन्छन् नि, ‘रक्सी खान जातले पा’को हुनुपर्छ’ । अहिले जातले पाएको र नपाएको कुरा त्यत्ति लागु हुँदैन । भएपनि रक्सीको सवालमा लागु हुँदैन । अहिले जातले पाएको भन्दा धेरै जातले नपाएकाहरु भट्टिमा भेटिन्छन् । समय परिवर्तनशील र परिष्कृत हुँदै गयो । जातले नपाएको भनिएका पनि पुरुषहरु मात्रै रक्सी पिउँथे । अहिले रक्सी भनिँदैन । अहिले वियर, ह्विस्की, रम, वाइन, टकिला, ककटेल यस्तै के के भनिन्छ । भेराइटि बढेसँगै यसका ग्राहक पनि बढेका छन् ।

अहिले धेरै जसो परिष्कृत परिवारहरु घरमै बसेर परिवारसँगै अल्कोहलको नसामा रमाउँछन् । पुरुष मात्र नभएर महिलाहरु पनि अल्कोहलको रमाइलोमा भुल्छन् । नेपालकै सन्दर्भमा हेर्ने हो भने त यो संख्या धेरै कम छ, तर विदेशमा भने अहिलेको शताब्दीमा हुर्केका महिलाहरु हामीले पिउनुहुँदैन भन्ने धारणामा हुर्केका हँुदैनन् । त्यो संकुचित (न्यारा)े मानसिकता त हामीमा मात्र छ । कतिले अल्कोहललाई मनोरन्जनको रुपमा लिन्छन्, कतिले नसाको रुपमा अनि कतिले चाहिँ अवसरहरुमा साथीसङ्गीसँग साथ मिलाउन हल्काफुल्का चुस्की लिन्छन् । जे जसरी लिए पनि त्यो रक्सी पिएको नै भन्नुपर्यो हाम्रो भाषामा । अल्कोहल अर्थात् रक्सी किन पिउने त ? मान्छेहरुका कहिलेकाहीँ खुसीका अवसरहरु हुन्छन् रमाइलोको लागि पिइन्छ । कसैको पहिलेदेखि पिउने बानी हुन्छ, त्यो नसाजस्तै बनेको हुन्छ, उनिहरु नपिइकन बाँच्नै नसक्ने अवस्थामा हुन्छन् र पिउँछन् । पिउँदा कतिले पीडा भुल्ने बाहाना बनाउँछन्, कति मिठो निन्द्राको लागि पिउने गरेको बताउँछन् । जे जसरी पिउने भएपनि पिउनेहरु रक्स्याहा अथवा जँड्याहा हुन् हाम्रो समाजको लागि । तर समाजमा भएका हामी र हामीजस्तै अरु मनिसहरु हुन समाज विस्तारै परिवर्तनकै दिशामा गएको भएर पनि बेलाबखत हुने पार्टिहरुमा हल्का पिउनुलाई नराम्रो मान्न छोडिएको छ ।

हाम्रै समाजमा पनि कतिपय शिक्षित परिवारहरु त पारिवारिक भेलामा सबै एकै ठाउँमा बसेर आफ्नो आफ्नो च्वाइसको ब्राण्डसमेत पिउने गरेका छन् । यो सबै समाज परिवर्तनको उपहार हो हाम्रा लागि । हुन त हामीसँग एउटा संकिर्ण (कन्जस्टेड) समाज पनि छ । जसले पिउनै हुँदैन भन्छ । शङ्कालु मानसिकता छ कहिँकतैबाट आउँदा पनि रक्सी नै पिएर आयो भनिन्छ । कतिले त रक्सी नपिएपनि घर आउन विविध कारणले ढिलो भयो भने रक्सी पिएर आएको भनेर घरवालीको खप्की खानुपर्छ । नपिउनेले पिउने मान्छेको सङ्गत गर्न पनि भएन । सँगै हिँड्यो भने पनि पिउनै हिँडेको भन्ने शङ्का हुन्छ । अब शङ्कैशङ्काले लङ्का जलाउन पनि कुनै बेर लाग्दैन । अब प्रश्न आउँछ, किन पिउन हुँदैन त अल्कोहल ? अल्कोहल मादक पदार्थ हो । यसले हाम्रो शरीरमा प्रवेश गर्नासाथ रगतलाई बिस्तारै सक्रिय बनाउँदै लान्छ । पिउँदै गएपछि नशाहरुलाई सुस्त बनाउँदै लान्छ र हामी बेहोस हुँदै जान्छौँ । मदहोसी भएपछि के के हुन्छ, नहुनुपर्ने कामहरु पनि हुन्छ, फलस्वरुप कतिपय ठाउँमा लज्जित भएर बस्नुपर्ने अवस्था पनि आउँछ ।

अल्कोहल एक प्रकारको नसा भएको कारणले यसको दिनहुँ सेवनले अल्कोहल नभइकन हुँदै नहुने अवस्थामा पनि पुर्याउन सक्छ । अल्कोहलको सेवनले हाम्रो कलेजोमा असर गर्ने चिकित्सकहरुको भनाइ छ । यसको सेवन गर्दै गर्दा पर्याप्त मात्रामा पानी पिउन सकेन भने हाम्रो शरीरलाई आवश्यक पर्ने पानीको अभाव हुन जान्छ, फलस्वरुप विभिन्न प्रकारका रोगहरु शरीरभित्रै उब्जिन थाल्छन् । नसाको रुपमा लिएर यसको दिनहुँ सेवन गर्दा दीर्घकालीन रोगहरु लाग्ने भएकाले यसको सेवन सीमित मात्र राम्रो हो । कहिलेकाहीँ अवसरको रुपमा मात्र पिउँदा पनि कति पिउँदा आफू ठीक छु र तन्दुरुस्त छु भन्ने लाग्छ, त्यति मात्रामा मात्र पिउनुपर्छ । अवसरहरुमा म त पिउँदिन भनेर परै बस्नभन्दा ठीकै छ एक चुस्की लिँदा के फरक पर्छ र भन्ने हिसाबले थोरै पिउनुलाई नराम्रो मानिँदैन ।

प्रतिक्रिया दिनुहोस

महिला सञ्जालका गतिविधि गाउँगाउँमा पुर्याउन इटहरीकी उपमेयर संगीता चौधरीको आग्रह

इटहरीः इटहरी उपमहानगरपालिकाकी नव निर्वाचित उपमेयर संगीता कुमारी चौधरीले महिला संजालका गतिविधी गाउँगा ...

खेलाडीको विवरण संकलन गर्दै प्रदेश खेलकुद विकास बोर्ड

इटहरीः प्रदेश नम्बर एक सरकारको सामाजिक विकास मन्त्रालय अन्तर्गत रहेको प्रदेश खेलकुद विकास बोर्डले प् ...

गरिमा बैंकको वित्तीय साक्षरता कार्यक्रम इटहरीमा सम्पन्न, एक सय तीस बढीलाई बैंकिङ्ग शिक्षा

इटहरीः नेपाल राष्ट्र बैकबाट ‘ख’ बर्गको वित्तीय कारोबार गर्न इजाजत पाएको गरिमा विकास बैँक ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
 
 
  • प्रबन्ध सम्पादकः प्रेमप्रसाद बास्तोला
  • प्रबन्धक :शुसिला उप्रेती
  • कार्यकारी सम्पादक :प्रकाश बञ्जरा
  • सह सम्पादक :शिशिर भट्टराई
  • प्रमुख संवाददाता :सुबिन बिश्वकर्मा
  • मार्केटिङ प्रमुख :देवराज पुरी
 

Copyright © 2018 / 2022 - Pradeshportal.com All rights reserved