इटहरीमा क्षमताभन्दा बढी इ–रिक्सा सञ्चालनमा, व्यवस्थापनमा उपमहानगर मौन

  • भदौ २९, २०७८
  • ३१३ पटक पढिएको
  • शंकर खत्री
alt

इटहरीः सुनसरीको इटहरीमा पछिल्लो समय क्षमताभन्दा बढी इ–रिक्सा (सिटी सफारी) सञ्चालनमा आएको पाइएको छ ।

यसरी राजमार्गमा क्षमताभन्दा बढी इ–रिक्सा सञ्चालन हुँदा सडक नै अस्तव्यस्त बनेको छ । दुई वर्ष पहिले इ–रिक्सा खरिद र सञ्चालनको नियमन र व्यवस्थापन उपमहानगरपालिका र १ नम्बर प्रदेश ट्राफिक प्रहरी कार्यालय इटहरीले संयुक्त रुपमा गर्ने भनिएको थियो । र, सोही अनुसार इ–रिक्सा नियमन र व्यवस्थापन हुँदै आएको थियो । तर, कोरोना भाइरस (कोभिड–१९) को महामारीपछि दुवै पक्षले यस विषयमा आवश्यक ध्यान नदिँदा इटहरीमा इ–रिक्साको संख्या अस्वभाविक रुपमा बढेको हो । कोरोना महामारीका कारण धेरैको रोजगारी गुमेको र इ–रिक्सा नै कमाइ खाने भाँडो बनेको पाइएको छ । इ–रिक्सा सञ्चालन गर्दा दर्ता पनि आवश्यक नहुने र चालक अनुमतिपत्र पनि खासै आवश्यक नपर्ने भएपछि धरैको रोजाइमा यो पर्ने गरेको पाइन्छ । कोरोना महामारीभन्दा अघि खरिद गरिएका इ–रिक्साहरु दर्ता भएर नै सञ्चालन भएका थिए । तर, पछिल्लो समय स्थानीय सरकार उदासिन बन्दा दर्ता प्रक्रिया नै बन्द भएको हो ।

इ–रिक्सा दर्ताका लागि स्थानीय सरकार (गाउँपालिका, नगरपालिका, उपमहानगरपालिका, महानगरपालिका) को सिफारिस अनिवार्य आवश्यक हुन्छ । यस विषयमा इटहरी उपमहानगरले आवश्यक ध्यान नदिँदा अहिले इटहरीमा सयौँको संख्यामा इ–रिक्सा बिनादर्ता नै सञ्चालनमा आएका हुन् । इटहरीमा सञ्चालन हुने इ–रिक्साको लागि रुट विभाजन गरिएको छ । कुन सफारीको लागि कुन रुट हो भनेर कतिपय सफारीमा नै लेखेको हामी देख्न सक्छौँ । उपमहानगरले निर्धारण गरेको रुटमा सञ्चालन गर्ने नीतिको नियमित अनुगमन गर्न नसक्दा सडक नै अस्तव्यस्त बनेको हो । इ–रिक्साको व्यवस्थापनको सम्बन्धमा ठोस नीति नहुँदा इटहरीलाई इ–रिक्सा चुनौतिको विषय बनेको १ नम्बर प्रदेश ट्राफिक प्रहरी कार्यालय इटहरीका प्रवक्ता एवम् प्रहरी नायबउपरीक्षक (डीएसपी) सुमनकुमार तिम्सिनाले जानकारी दिए । यो समस्या इटहरीको मात्र नभएको, प्रदेश १ का इ–रिक्सा सञ्चालन हुने प्राय सबै शहरमा यो टाउको दुखाइको विषय भएको उनको भनाइ छ । अहिले परिस्थिति असामान्य रहेकाले सामान्य भएलगत्तै कारबाहीको प्रक्रिया अगाडि बढाइने उनले जानकारी दिए ।

प्रतिक्रिया दिनुहोस

खतरा महसुस हुनेबित्तिकै खबर गर्नुहोस्: प्रहरी

काठमाडौँः नेपालीहरूको मुख्य चाड नजिकिएसँगै नेपाल प्रहरीले आफ्नो निगरानी बढाउन थालेको छ । चाडपर्वमा ...

बेन्च–बार द्वन्द्व स् सर्वोच्चले माग्दा बारले एमिकस क्युरी नै पठाएन

काठमाडौँः सर्वोच्च अदालतले संवैधानिक इजलासको संरचनाका विषयमा परेको रिटमा एमिकस क्युरी मागेकोमा नेपाल ...

गुगलले ल्यायो हावामा इन्टरनेट

कम्पनी गुगल, हावामा प्रकाशको किरण मार्फत उच्च गतियुक्त ‘हाइ–स्पीड इन्टरनेट’ सेवा ल ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • फाेटाे पत्रकारः गुरू ढकाल, वुलेट खतिवडा
  • मार्केटिङ प्रमुखः देवराज पुरी
  •   ९८६२३०११३८, ९८१९०३१०६२
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2021 - pradeshportal.com All rights reserved