सोलुखुम्बुः सोलुखुम्बुको खुम्बु पासाङल्हामु–४ मा रहेको आमाडबलम हिमाल आरोहण गरेर फर्कंदै गर्दा १ जना विदेशी आरोहीको मृत्यु भएको छ ।

हिमालयन गाइड्स नेपाल ट्रेक एण्ड एक्सपिडिसन प्राइभेट लिमिटेड काठमाडौं मार्फत् उनी सो हिमाल आरोहण गर्न गएका थिए । सो हिमाल आरोहण गर्न गएका १४ जना विदेशीमध्ये हिमाल आरोहण गरी फर्कने क्रममा ४७ वर्षीय अमेरिकी नागरिक स्टेभिन भिक्टर बिइमको मृत्यु भएको जिल्ला प्रहरी कार्यालय सोलुले जनाएको छ ।

हिमाल आरोहण गरी फर्कने क्रममा बिरामी परेका उनको बुधबार मृत्यु भएको हो । उनको मृत्युको बारेमा अनुसन्धान भइरहेको जिल्ला प्रहरी कार्यालय सोलुखुम्बुले जनाएको छ ।