आफ्नै लयमा भोटखोला

  • मंसिर १६, २०७५
  • १२१ पटक पढिएको
  • बाबुराम बास्तोला
alt

सङ्खुवासभाः हामी सबैलाई थाहा छ नेपाल बहुजातीय, बहुभाषिक, बहुधार्मिक, बहुसांस्कृतिक तथा भौगोलिक विविधताले भरिएको देश हो ।
नेपालको परिचय दिँदा यो विशेषताबाटै परिचय शुरु गरिन्छ । विदेशीले पनि यही विशेषता बुझेका छन् । विभिन्न भौगोलिक, सामाजिक, आर्थिक, सांस्कृतिक तथा मानवीय श्रोत, साधन र सम्पदाले भरिएको देश भनेर नेपाललाई चिनिन्छ ।

5

आआफ्नो जाति विशेष, धर्म विशेष, भाषा विशेष छुट्टै मौलिकता पहिचानले सिँगारिएको नेपाली समाज यसैमा गौरवान्वित महसुस हुनु यसको सकारात्मक पक्ष हो । भौगोलिक रूपले यो मुलुक हिमाल, पहाड र तराईमा विभाजित छ ।

IMG_7754

स्वभावलै हिमाली क्षेत्र अलि अविकसित रहेको पाइन्छ । कर्णाली प्रदेशका केही जिल्ला अझै पनि अविकसित छन् । सो प्रदेशमा रहेको शिक्षाको कमी, चेतनाको कमी, भौगोलिक विकटता र सरकारी सेवा सुविधाको अभावका कारण सो क्षेत्रलाई फरक संसारको रूपमा हेरिन्छ ।
यस्तै विशेषताका कारण सङ्खुवासभाको उत्तरी क्षेत्रलाई पूर्वको कर्णाली पनि भन्ने गरिन्छ । पूर्वको कर्णाली भन्ने यस क्षेत्रलाई भोटखोला नामले चिनिन्छ । साबिकका गाविस पावाखोला, हटिया, चेपुवा र किमाथाङ्कालाई मिलाएर भोटखोला गाउँपालिका बनाइएको छ ।

बाहिरी संसारसँग बेखबर

2 (1)
जिल्लामा ७ वटा रेडियो छन् । केही पत्रिका जिल्लामा नै प्रकाशन हुन्छन् भने धेरैजसो काठमाडौं, विराटनगर तथा इटहरीमा प्रकाशन हुने पत्रिकाहरू पनि जिल्ला सदरमुकाम खाँदबारीमा आइपुग्छन् । तर भौगोलिक विकटताका कारण भोटखोलामा न त कुनै रेडियो बज्छ न त पत्रिका नै पुग्छ । गाउँमा केही ठाउँमा सिडिएमए फोनको टावर त छ । तर घाम नलागे हप्तौँसम्म त्यो पनि बन्द हुन्छ ।

भोटखोलाबाट सदरमुकाम खाँदबारी आइपुग्न ४ दिन लाग्छ । सदरमुकाम भन्दा निकै टाढा भएर होला भोटखोला आफ्नै लयमा छ । राष्ट्रिय अन्तराष्ट्रिय खबर तथा घटनाप्रति भोटखोला बेखबर छ र खासै चासो पनि छैन । स्वास्थ्य, शिक्षा, सडक लगायत आवश्यक पूर्वाधारका योजना माग्न भोटखोलावासी पटकपटक सदरमुकाम धाउँछन् । तर कहिल्यै पूरा नहुने आश्वासन मात्र पाउँछन् । योजना परिहाले पनि सामान ढुवानी गरेर पुर्याउन समस्या छ ।

विकासको आशा जाग्दैयसपटक भने उनीहरूमा विकासको आशा जागेको छ । सदरमुकामसँग सडकको ट्रयाक खोलेर जोडिन केही किलोमिटर मात्रै बाँकी छ । भर्खरै मात्र प्रतिनिधिसभा, प्रदेशसभा लगायत जिल्लाका उच्च अधिकारीको टोलीले सो क्षेत्रको स्थलगत निरीक्षणसमेत गरेकाले उनीहरूमा विकासको आशा जागेको हो ।

भोटखोला आफँैमा एउटा रमणीय क्षेत्र हो । कोदो र आलु मुख्यबालीको रूपमा उत्पादन हुने त्यहाँ निकै फाँटिला बारी र केही खेत छन् । भोटखोलामा प्रायः एकत्रित बस्ती छन् । हटिया, हुङगुङ, चेपुवा, च्याम्ताङ, रिदाक, लिंगम, गोला, किमाथाङ्का र कारमाराङ आदि त्यहाँका बस्ती हुन् । एकदेखि अर्को बस्ती पुग्न घण्टौंदेखि १ दिनसम्म लाग्ने गरेको छ ।
भोटखोलामा भोटे जातिको मुख्य बसोबास रहेको छ । फरक जनजीवन, दिनचर्या, संस्कृति र भूबनोटका कारण जिल्लाको दक्षिणी भेगका बासिन्दाका लागि पनि नौलो र रहस्यपूर्ण संसार हो, भोटखोला ।

4

सामाजिक काम र सहकार्यमा एकता
दुर्गम र सरकारी सेवा सुविधाबाट वञ्चित भएर पनि भोटखोलावासीमा सामाजिक काम र सहकार्यमा एकता देखिन्छ । बाटोघाटो निर्माणदेखि समाज सुधारका काममा आमा समूह सक्रिय रहेको पाइएको भोटखोला क्षेत्रको अवलोकमा पुगेका पत्रकार गंगा बिष्टले बताए ।

दैनिक उपभोग्य वस्तुदेखि साना ठुला व्यापारका लागि पनि भोटखोलाको मुख्य बजार चीनको स्वशासित क्षेत्र तिब्बत पुग्नुपर्छ । किनमेल गर्न भोटखोलाबासी तिब्बतको चागाँ, देन्दाङ, रियु र नादाङसम्म पुग्छन् । यी चिनियाँ बजार र भोटखोलाबीच ‘रोटीबेटी’ कै सम्बन्ध छ । चीनतर्फका बजारमा भएको विकास र सरकारले उपलब्ध गराएको सेवा सुविधाले भोटखोलावासीको मन पिरोलिन्छ । उता केन्द्रीय लाइनको बिजुली छ । पहाड र खोँच छिचोलेर सडक ल्याइपुर्याएको छ ।

3

चीनतर्फ तरकारीबारी बार्नसमेत सरकारले तारबार उपलब्ध गराएको तर आफूहरूलाई नेपाल सरकारले केही नगरेको उनीहरू गुनासो गर्छन् । नेपाल सरकारको आफूलाई हेर्ने दृष्टिकोणप्रति हीनताबोध गरेका भोटखोलावासी साँध सिमानाको विषयमा भने निकै संवेदनशील छन् ।

प्रतिक्रिया दिनुहोस

रिजालटासीकाे जमिनदार ...

धरानः रिजालटासी उद्याेगले मापदण्ड मिचेर पर्खाल लगाउँदा सम्म नियमनकारी निकाय चुपचाप बसेकाे विषयमा स्थ ...

काँकडभिट्टामा फागुन ...

इटहरीः २०६९ देखी हरेक दुई वर्षमा काँकडभिट्टामा आयोजना हुने कला साहित्य उत्सव यही फागुन १८ बाट हुने भ ...

सगरमाथा आरोही बस्नेत ...

विराटनगरः प्रदेश नम्बर एकका मुख्यमन्त्री शेरधन राईलाई सगरमाथा अाराेहि राेशा बस्नेतले सगरमाथाकाे ढुँग ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
  • महाप्रबन्धकः बद्री भिखारी
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक संवाददाताः विनय बाह्रकोटी
  • स्थानीय सरकार/कानुन संवाददाताः कृष्ण बहाब भट्टराई
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)
  • लेखाः समीक्षा केसी

Copyright © 2018 / 2019 - pradeshportal.com All rights reserved