स्वीट्जरल्याण्डको अस्पतालले दियो बीपी प्रतिष्ठानलाई आधुनिक मेसिन

कलेजोसम्बन्धी रोगको उपचार गर्न सहज हुने प्रतिष्ठानको भनाइ

  • मंसिर २०, २०७५
  • ३८ पटक पढिएको
  • प्रदेश पोर्टल
alt

धरानः बीपी कोइराला स्वास्थ्य विज्ञान प्रतिष्ठान, धरानमा कलेजोसम्बन्धी रोगको उपचारमा सहजता हुने भएको छ ।

स्वीट्जरल्याण्डको जेनेभा युनिभर्सिटी हस्पिटलले कलेजो परीक्षणका लागि अति आवश्यक पर्ने उपकरण फाइब्रोस्क्यान मेसिन प्रतिष्ठानलाई उपलब्ध गराएपछि उपचारमा सहजता हुने भएको हो । प्रतिष्ठानले पत्रकार सम्मेलन गरी कलेजो रोगको उपचारबारे जानकारी गराएको हो ।

पत्रकार सम्मेलनमा जनाइएअनुसार यस पद्धतिमार्फत् उपचार गर्दा उपकरणको सहयोगले बायोप्सी नगरी नै सबै प्रकारका हेपाटाइटिस र अल्कोहोलिक बिरामीको कलेजोमा भएको सङ्क्रमणबारे सहजै परीक्षण हुने भएको छ ।

यसअघि अल्ट्रासाउण्ड गरेर बायोप्सी गरेपछि मात्रै कलेजोको अनुमानित अवस्थाका आधारमा उपचार हुने गर्दथ्यो । तर, अब कलेजोको वास्तविक अवस्था अर्थात् फाब्रोसिस कति छ वा कलेजो कति कडा भएको छ भन्नेबारे एकिनका साथ उपचार हुने भएको छ । प्रतिष्ठानका उपकुलपति प्रा.डा. राजकुमार रौनियारले कलेजोको उपचारमा यो महत्वपूर्ण उपलब्धि भएको बताए । उनले प्रतिष्ठान आफँैले यो उपकरण खरिद गर्न लागेको अवस्थामा जेनेभा युनिभर्सिटी अस्पतालले सहयोग गरेको हुनाले प्रतिष्ठानको करिब २ करोड रुपैयाँ बचत भएको बताए ।

ग्यास्ट्रोइन्टेरोलोजी एण्ड हेपाटोलोजी विभागका प्रमुख डा. विक्रम प्रधानले हेपाटाइटिस बी र सी तथा मदिराका सेवनका कारण कलेजोमा घाउ भएको, चिल्लो पदार्थ तथा फाइब्रोसिस भएका बिरामीको उपचार पद्धति अत्यन्तै सहज हुन गएको बताए । अब कलेजो कुन अवस्थामा छ भन्नेसमेत स्पष्ट थाहा पाउन सक्ने भएकाले उपचार प्रभावकारी हुने उनको भनाइ थियो ।

जेनेभाबाट प्रतिष्ठान आएका डा. लउरेन्ट स्फरले दक्षिण एशियाकै उत्कृष्ट शैक्षिक संस्थासँग सहकार्य गर्न पाउँदा खुशी लागेको बताए ।

प्रतिष्ठानका अनुसर यस अघि जोखिमपूर्ण ढङ्गले कलेजोको नमुना झिक्ने गरिएको थियो । कलेजो फुटेर रक्तस्राव भएको, एसिड खाएर खुम्चेको अन्ननली तथा मलद्वारको समेत हाल उपचार सहज भएको प्रतिष्ठानले जनाएको छ ।

dharan pgm (3) dharan pgm (1) 47378618_10213041933779436_8035028614107889664_o - Copy

प्रतिक्रिया दिनुहोस

भाउन्ने बजारमा अस्था ...

बेलवारीः मोरङको बेलवारी – १० भाउन्ने बजारमा अस्थायी प्रहरी विटको स्थापना गरिएकाे छ । इलाक ...

माघ ११ देखि इटहरीमा ...

इटहरीः माघ ११ गतेदेखि १८ गतेसम्म इटहरीमा मदन भण्डारी अन्तर्राष्ट्रिय आमन्त्रण गोल्डकप हुने भएको छ । ...

लोपोन्मुख लेप्चा जात ...

इलामः लोपोन्मुख लेप्चा जातिको संस्कृति जोगाउने उद्देश्यले इलामको रोङ गाउँपालिकाले लेप्चा सङ्ग्रहालय ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण वहाब भट्टराई
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)
  • लेखाः समीक्षा केसी

Copyright © 2018 / 2018 - pradeshportal.com All rights reserved