जनताबाट इजाजतप्राप्त न्यायाधीशतिर मुद्दाको चाङ बढ्दै

  • मंसिर २०, २०७५
  • ६० पटक पढिएको
  • प्रदेश पोर्टल
alt

बेलबारीः स्थानीय तहको निर्वाचनसँगै छानिएका जनप्रतिनिधिका काँधमा धेरै जिम्मेवारी छ । विकास निर्माणदेखि घरायसी समस्यासम्म मिलाउने जिम्मा उनीहरूकै हातमा छ । स्थानीय तहका उप्रमुखको संयोजकत्वमा न्यायिक समिति गठन गरिएसँगै उनीहरूको काँधमा थप जिम्मेवारीबोध भएको छ ।

उपप्रमुखहरू अहिले न्यायाधीशको काम गरिरहेका छन् । सम्बन्ध विच्छेदका घटना बढिरहेका छन् । आर्थिक लेनदेनसँगै कुलो पैनी तथा सीमा विवादका घटना न्यायिक समितिमा आउने गरेको बेलबारी नगरपालिकाकी उपप्रमुख तथा न्यायिक समितिकी संयोजक ढाकाकुमारी पराजुलीले बताइन् ।

जनप्रतिनिधि आउनुभन्दा अगाडिसम्म स्थानीय प्रशासनमा आउने खालका मुद्दा अहिले जनप्रतिनिधिसँग आइपुगेका छन् । स्थानीय न्यायाधीशका रूपमा स्थानीय तहका उप प्रमुखलाई लिने गरिन्छ । प्रहरी कार्यालयमा आउने घटना अधिकांश नगरपालिकामा जाने गरेका छन् ।

धेरै मुद्दाको छिनोफानो स्थानीय तहमा हुन थालेपछि भीडसमेत बढ्दै जान थालेको छ । ‘हप्तामा २ दिन न्यायिक समितिको काम गर्ने गरेकी छु’, पराजुलीले भनिन् ‘शुक्रबार र सोमबार अरु काम गर्न नै भ्याइँदैन ।’ २०–२१ वर्ष अघिका लेनदेनका घटनासमेत आउने गरेको उनले बताइन् ।

पथरी शनिश्चरे नगरपालिकाकी उपमेयर यमुना बिष्ट भन्छिन्, ‘कुनै उजुरी आए प्रहरीले समेत नगरपालिकातिर देखाउन थालेका छन् । जग्गा विवाददेखि वैदेशिक रोजगारीका समस्या पनि न्यायिक समितिमा आउने गरेका छन् ।

न्यायिक समितले काम गर्न थालेपछि प्रहरी कार्यालयमा समेत मुद्दा कम आउन थालेको इलाका प्रहरी कार्यालय बेलबारीका प्रमुख रामकुमार राईले बताए । बेलबारी नगरपालिकाको न्यायिक समितिले मात्रै ३ सय ६५ वटा मुद्दा मिलाएको छ । सम्बन्ध विच्छेदको एउटा मुद्दा पनि नगरपालिकाबाटै मिलाइएको न्यायिक समितिले जनाएको छ । सम्बन्ध विच्छेदका केही मुद्दा भने अदालतमा पठाएको जनाइएको छ । उजुरी लिएर आएको एक हप्ताभित्रमा मिलाएर पठाइने न्यायिक समितिले जनाएका छन् ।

 

प्रतिक्रिया दिनुहोस

भाउन्ने बजारमा अस्था ...

बेलवारीः मोरङको बेलवारी – १० भाउन्ने बजारमा अस्थायी प्रहरी विटको स्थापना गरिएकाे छ । इलाक ...

माघ ११ देखि इटहरीमा ...

इटहरीः माघ ११ गतेदेखि १८ गतेसम्म इटहरीमा मदन भण्डारी अन्तर्राष्ट्रिय आमन्त्रण गोल्डकप हुने भएको छ । ...

लोपोन्मुख लेप्चा जात ...

इलामः लोपोन्मुख लेप्चा जातिको संस्कृति जोगाउने उद्देश्यले इलामको रोङ गाउँपालिकाले लेप्चा सङ्ग्रहालय ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण वहाब भट्टराई
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)
  • लेखाः समीक्षा केसी

Copyright © 2018 / 2018 - pradeshportal.com All rights reserved