रामधुनीमा बालाचतुर्दशीमा डेढ लाखले छरे ‘शतबीज’

व्यवस्थापक अध्यक्ष कार्की भन्छन्, ‘टिनएजर पनि आउन थाले’

  • मंसिर २१, २०७५
  • ४१ पटक पढिएको
  • विराट अनुपम
alt

इटहरीः त्रेता युगमा भगवान् रामले धुनी (आगो) जगाएको विश्वास गरिएको सुनसरीको ऐतिहासिक रामधुनी मन्दिरमा बिहीबार डेढ लाख भत्तजनहरूले शतबीज छरेको मन्दिर व्यवस्थापनले दाबी गरेको छ ।
सुनसरीको रामधुनी नगरपालिकाको वडा नम्बर ४ मा रहेको ऐतिहासिक रामधुनी मन्दिरमा आज हजारौँ भक्तजन पुगेका छन् । बालाचतुर्दशीको दिन पितृलाई सम्झेर शतबीज छर्ने भक्तजनका कारण मन्दिर परिसरमा बिहानैबाट भीड भएको थियो ।

मंसिर कृष्ण चतुर्दशीको दिन हरेक वर्ष वैदिक सनातन धर्मावलम्बीहरूले शतबीज छर्ने गर्छन् । शतबीज भनेको विभिन्न किसिमका सय थरीका अन्नको बीउ हो । तर, सय थरीका अन्न नपाइने हुनाले सात थरीका अन्नको बीउ अर्थात् सप्तबीज छर्ने चलन बढेको छ । सप्तबीजमा धान, जौ, तिल, गहुँ, चना, मकै र कागुनो पर्छन् ।

श्री रामधुनी बाबा बनखण्डी मन्दिर गुठी व्यवस्थापन समितिका अध्यक्ष डिल्ली कार्कीले पनि आजको भीड ऐतिहासिक भएको बताए । उनले भने, ‘त्रेता युगमा भगवान रामले धुनी जगाएर बनाएको रामधुनीको महत्व बुझ्नेहरू बढ्दै गएकाले भक्तजनहरूको सङ्ख्या पनि बढ्दै गएको छ ।’ आज २० हजारभन्दा बढी भक्तजनहरू आएको अनुमान व्यवस्थापन समितिले गरेको कार्कीले बताए ।
बालाचर्तुदशीमा शतबीज छरेमा धेरै पुण्य हुने भन्ने धार्मिक आस्थाका आधारमा आएका भक्तजनहरूले रामधुनी मन्दिरमा भीड बढेको थियो । २ किलोमिटर वरै पार्किङ गरेर व्यवस्थित गर्न खोजिएको मन्दिरमा पैदल यात्रीहरूको पनि अत्यधिक भीड थियो ।
इटहरीबाट १६ किलोमिटर तथा झुम्का बजारबाट ८ किलोमिटर टाढा रहेको रामधुनी मन्दिरमा शतबीज छर्न आउने भारतीयहरू पनि बढेका छन् ।
भारतीयहरूसँगै नेपाली किशोरकिशोरीहरू पनि बढेको व्यवस्थापन समितिका अध्यक्ष कार्कीले बताए । ‘टिनएजरहरू पनि आउन थाले’, बिहीबार फोन सम्पर्कमा कार्कीले भने, ‘आज साँझ ७ बजेपछि मात्रै आउनेहरू बन्द भए । हिजैबाट भीड भयो ।’
सडकमार्गमा सुधार भएको अवस्थामा आगन्तुकहरू बढेर जाने कार्कीले बताए । यसको लागि स्थानीय, प्रदेश र सङ्घीय सरकारले विशेष योजना ल्याउनुपर्ने कार्की बताउँछन् । उनी भन्छन्, ‘रामधुनी नगरपालिकामा रहेको रामधुनी मन्दिर ऐतिहासिक राष्ट्रिय धार्मिक तथा सांस्कृतिक सम्पदा हो । यसको विकासमा तीनै तहका सरकार लाग्नुपर्छ ।’

 

प्रतिक्रिया दिनुहोस

भाउन्ने बजारमा अस्था ...

बेलवारीः मोरङको बेलवारी – १० भाउन्ने बजारमा अस्थायी प्रहरी विटको स्थापना गरिएकाे छ । इलाक ...

माघ ११ देखि इटहरीमा ...

इटहरीः माघ ११ गतेदेखि १८ गतेसम्म इटहरीमा मदन भण्डारी अन्तर्राष्ट्रिय आमन्त्रण गोल्डकप हुने भएको छ । ...

लोपोन्मुख लेप्चा जात ...

इलामः लोपोन्मुख लेप्चा जातिको संस्कृति जोगाउने उद्देश्यले इलामको रोङ गाउँपालिकाले लेप्चा सङ्ग्रहालय ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण वहाब भट्टराई
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)
  • लेखाः समीक्षा केसी

Copyright © 2018 / 2018 - pradeshportal.com All rights reserved