दुहबीः सुनसरीको दुहबीमा रहेको नव सिर्जनशील बचत तथा ऋण सहकारी संस्था लि. को साधारणसभामा रक्तदान कार्यक्रम पनि सम्पन्न भएको छ ।

दुहबी नगरपालिकाका वडा नम्बर ८ का वडाध्यक्ष तारिकचन्द्र सरदारको प्रमुख आतिथ्यमा भएको साधारण सभामा ८ औं पटक रक्तदान कार्यक्रम भएको हो । नेपाल रेडक्रस सोसाइटी विराटनगरको प्राविधिक सहयोगमा भएको कार्यक्रममा ३४ पिन्ट रगत सङ्कलन भएको संस्थाले जनाएको छ ।

वार्षिक साधारणसभामा संस्थाका अध्यक्ष सुदर्शन राईले संस्थाको अघिल्लो आर्थिक वर्षको प्रगति प्रतिवेदन प्रस्तुत गरेका थिए । संस्थामा ५ सय ५५ जना सेयर सदस्य रहेका छन् ।