इटहरीः मोरङको बेलबारी नगरपालिका–६ सोमबारे जरुवा टोलस्थित भित्री सडकखण्डमा मोटरसाइकल दुर्घटनाबाट १ जनाको मृत्यु भएको छ ।

गएराति ८ः४५ बजे पूर्वबाट पश्चिमतर्फ जाँदै गरेको को ११ प ९३१३ नम्बरको मोटरसाइकलले ठक्कर दिई आफ्नो घरअगाडि बसिरहेकी ६१ वर्षीया सीतादेवी ढकाल घाइते भएकी थिइन् ।

ठक्करबाट घाइते भएकी ढकाललाई उपचारका लागि नोबेल अस्पताल विराटनगर लगिएकोमा उपचारको क्रममा मृत्यु भएको थियो ।

मोटरसाइकल र चालक मोरङ बेलबारी–६ का २३ वर्षीय अमन चौधरीलाई नियन्त्रणमा लिई घटना सम्बन्धमा इलाका प्रहरी कार्यालय बेलबारीबाट थप अनुसन्धान भइरहेको प्रहरीले जनाएको छ ।