इटहरीः मोरङको बेलबारी स्थित सिंहदेवी सामुदायिक वनमा १४ वर्षीया बालिकामाथि बलात्कार भएको घटना सार्वजनिक भएको छ ।
सोमबार साँझ निगुरो टिप्न लैजाने बहानामा स्थानीय २१ वर्षीय सन्तोष नेपालीले बालिकामाथि बलात्कार गरेको १ नम्बर प्रदेश प्रहरी कार्यालय विराटनगरले जनाएको छ ।
कार्यालयका अनुसार बालिका आफैँले प्रहरीसमक्ष आफू बलात्कृत भएको बताएपछि इलाका प्रहरी कार्यालय बेलबारीबाट खटिएको प्रहरी टोलीले अभियुक्त नेपालीलाई सोमबार साँझ करिब ५ः०० बजे घरबाटै पक्राउ गरेको छ ।
पक्राउ परेका अभियुक्त नेपालीउपर जबर्जस्ती करणी मुद्दामा कारबाहीका लागि जिल्ला अदालतको आदेशअनुसार हिरासतमा राखी अनुसन्धान अगाडि बढाइएको प्रहरीले जनाएको छ ।
_1720278409.jpg)
