इटहरीः झापाको मेचीनगर नगरपालिका–६ बाट प्रतिबन्धित लागुऔषध ब्राउनसुगरसहित १ जनालाई प्रहरीले पक्राउ गरेको छ ।

पक्राउ पर्नेमा इलामको चुलाचुली गाउँपालिका–४ का ३३ वर्षीय सत्यनारायण याखा रहेको १ नम्बर प्रदेश प्रहरी कार्यालय विराटनगरले जनाएको छ ।

हिजो साँझ इलाका प्रहरी कार्यालय काकडभिट्टा र लागुऔषध नियन्त्रण ब्युरो काकडभिट्टाबाट खटिएको प्रहरी टोलीले जाँचको क्रममा लाई १ ग्राम ८०० मिलिग्राम ब्राउन सुगरसहित पक्राउ गरेको हो ।

प्रतिबन्धित लागुऔषधसहित पक्राउ परेका याखाउपर इलाका प्रहरी कार्यालय काकडभिट्टाबाट थप अनुसन्धान भइरहेको प्रहरीले जनाएको छ ।