बीपी प्रतिष्ठान सुधार गर्न निर्देशन गरेको छुः मन्त्री खापुङ

धरानः संघीय सरकारका स्वास्थ्य तथा जनसख्ङ्या मन्त्री भवानीप्रसाद खापुङले बीपी कोइराला स्वास्थ्य विज्ञान प्रतिष्ठान सुधार गरी पुरानो साख फर्काउन पदाधिकारीलाई निर्देशन दिएको बताएका छन् ।

शनिबार हामी नेपाल समूहको प्रतिष्ठान सुधार अभियान अन्त्य कार्यक्रममा बोल्दै मन्त्री खापुङले प्रतिष्ठानका पदाधिकारीलाई प्रतिष्ठानलाई पहिलेको अवस्थामा फर्काउन निर्देशन दिएको बताएका हुन् । उनले प्रतिष्ठानमा पदाधिकारी नियुक्त गरी सबै पदाधिकारीलाई प्रतिष्ठान सुधार गर्न निर्देशन दिएको बताए । उनले भने, ‘दक्षिण एसियमा नै प्रतिष्ठित प्रतिष्ठान धरासयी भएको छ । पुरानै अवस्थामा फर्काउन निर्देशन गरेको छु ।’ उनले विगतमा दक्षिण एसियामा नै प्रतिष्ठित प्रतिष्ठान धरासयी बन्दै गएको कुरा आफूलाई अवगत भएको बताए । उनले आफूले वितगमा पनि सुधारका लागि पहल गरेको बताए । उनले आफू मृत्युपश्चात् अङ्ग दान गर्ने र अङ्ग दिन पनि प्रतिष्ठान आउन’पर्ने बताए ।

उनले आफू कुनै विदेशी अस्पतालमा उपचार गर्न नगई आफ्नो गृह जिल्लाको अस्पतालमा नै उपचार गर्ने बताए । उनले आवश्यक परेमा प्रतिष्ठानमा उपचार गर्न आउने बताए । हामी नेपाल समूहले घोपा बचाउ अभिायन अन्त्यको घोषणा गरेको छ । प्रतिष्ठानको विकृति विसङ्गति अन्त्यको माग राखी साढे ४ महिनादेखि अभिायनमा रहेको समूहले अभिायन अन्त्य गरेको हो । समूहले साढे ४ महिनादेखि विभिन्न ३२ बुँदै माग राख्दै दैनिक प्रतिष्ठानको डेण्टल गेटमा धर्ना दिँदै आएको थियो । समूहले ३२ वटा मागहरुमध्ये धेरै माग प”रा भएको र केही प”रा हुने प्रक्रियामा रहेकाले अभियान अन्त्य गरेको जनाएको छ । समूहले केही दीर्घकालीन माग क्रमिक रुपमा प”रा गर्ने प्रतिष्ठानसँग समझदारी भएकाले अभियान अन्त्य गरेको जनाएको छ ।

समूहले ओपीडी काउण्टर थप भएको, ओपीडी काट्ने समय थप भएको , ल्याब रिपोर्ट संकलन साढे ७ बजेदेखि गर्न सुरु गरेको समूहले जनाएको छ । आकस्मिक कक्ष र ओपीडीमा शुद्ध पिउने पानीको व्यवस्था भएको जनाएको छ । अस्पतालमा भएका चुहावट नियन्त्रका लागि कार्य भइरहेको जनाएको छ । अस्पतालको आवश्यकतअनुसार कर्मचारीको विज्ञापन भएको छ ।  ३० बेड आईसीयू जडान प्रक्रिया अन्तिम चरणमा पुगेको छ । २० वटा आइसियू सञ्चालनका लागि आवश्यक कर्मचारी थप गर्नका लागि विज्ञापन भएको समूहले जनाएको छ  । प्रतिष्ठानमा फार्मेसी सञ्चालन भई अधिकांश औषधि उपलब्ध गराउन थालेको जनाएको छ ।

अस्पतालका आवश्यक सामग्री आप”र्तिका लागि काम भइरहेको, एमआरआई मेसिनका लागि बजेटको सुनिश्चितता भएपनि टेण्डर आह्वान गर्ने सहमति गरिएको र डस्टविन थप गरिएको समूहले जनाएको छ । प्रतिष्ठानलाई सफा राख्ने कार्य भइरहेको, २० बेडको डाइलाइसिस सेवा सञ्चालन दीर्घकालीन योजना भएको सम”हले जनाएको छ  । प्रतिष्ठानको आयव्यव मासिक रुपमा वेबसाइटमा राख्न निर्देशन भइसकेको, इन्टरनेटको वास्तविक आवश्यकता र क्षमता पहिचान गर्न सम्बन्धित शाखालाई निर्देशन भएको जनाएको छ ।  समूहले अभियानका क्रममा सहयोग गर्ने विभिन्न व्यक्तिहरुलाई सम्मान पनि गरेको छ ।