इटहरीः विराटनगर महानगरपालिका–१३ मलाया रोडबाट हिजो साँझ ६ः३० बजे स्याउ लोड गरिएको पाँच ओटा भारतीय कन्टेनर र तीन नेपाली टट्रकसहित आठ ढुवानीका साधन प्रहरीले नियन्त्रणमा लिएको छ ।

प्रहरीले एनएल ०१ एई ४७०५, एनएल ०१ एबी २४१०, एनएल ०१ एई ३७२२, एनएल ०१ क्यू २२२२ र एनएल ०१ एन २६६३ नम्बरको कन्टेनर नियन्त्रणमा लिएको हो । कन्टेनरलाई बाटोमै रोकेर स्याउ ‘अनलोड’ गर्दै गरिएका ना ५ ख ५६००, को १ ख ६९३९ र प्रदेश १–०२–००१ ख् ८५५६ नम्बरका ट्रकलाई पनि प्रहरीले नियन्त्रणमा लिएको छ ।

सबै गाडीका चालक पनि पक्राउ परेका छन् । कन्टेनर र ट्रकसहित स्याउ राजस्व अनुसन्धान कार्यालय इटहरीमा बुझाइने १ नम्बर प्रदेश प्रहरी कार्यालय विराटनगरले जनाएको छ ।