गाईघाटः बिहीबार राति उदयपुरमा भएको ट्याक्टर दुर्घटनामा परी २ जनाको मृत्यु भएको छ भने ६ जना घाइते भएका छन् । उदयपुरको लिङपिङगुङ–४ बलाम्ताको मैसङ्खामा बिहीबार राति अन्दाजी १० बजे ट्याक्टर दुर्घटना भएको थियो ।
प्रहरीका अनुसार दुर्घटनामा परी २ जनाको घटनास्थलमै मृत्यु भएको थियो । दुर्घटनामा परी ट्याक्टर चालक सोही स्थानका २२ वर्षीय सुनिल राई र पैदलयात्री २५ वर्षीय पवन राईको घटनानस्थलमैै मृत्यु भएको हो ।
सो दुर्घटनामा परी स्थानीय विश्व राई, पुनम राई, सविना राई, सोनी राई, बुनु राई र मनिषा राई गम्भीर घाइते भएका छन् । स १३ प २३७३ नम्बरको ट्याक्टर बलाम्ताको माझखर्कबाट गाउँतर्फ झर्दै गर्दा पैदलयात्री पवन राईलाई जोगाउने क्रममा सडक २५ मिटर तल खोलामा झरेको घाइतेलाई उद्धृत गर्दै प्रहरीले जनाएको छ ।
मृतकहरूको शव गाईघाटस्थित जिल्ला अस्पतालमा ल्याइसकिएको छ । गम्भीर घाइतेको उपचार जिल्ला अस्पतालमा सम्भव नभएपछि थप उपचारको लागि विराटनगर लगिएको बताइएको छ ।
_1720278409.jpg)
