इटहरीः इटहरीको इडुटेक कलेजमा होटल म्यानेजमेन्ट अध्ययन गर्दै आएको विद्यार्थीहरुले तिहारमा द्यौसी भैलो खेलेको रकम सामाजिक सेवामा खर्च गरेका छन् ।
सामाजिक उत्तर दायित्व वहन गर्दै इडुटेक कलेजका होटल म्यानेजमेन्ट तर्फ अध्ययनरत विद्यार्थीहरुले इटहरीमा रहेको माया घरमा न्यानो कपडाका साथै अन्य सहयोग हस्तान्तरण गरेका हुन ।
इडुटेक कलेजका होटल म्यानेजमेन्ट संकाय तर्फका प्रमुख सन्तोष मण्डल तथा कानुन संकायका प्रध्यापक राजुबाबु ढकालको अगुवाईमा गएको विद्यार्थीहरुको टोलीले माया घरमा न्यानो लुगा सहित अन्य सामाग्री सहयोग हस्तान्तरण गरेको हो ।
विद्यार्थीहरुले द्यौसी खेलेको पैसालाई मनोरन्जन तथा अन्य विलासितामा खर्च नगरी सामाजिक उत्तरदायित्व वहन गर्न यस्तो कार्यक्रम ल्याइएको र उक्त कार्यमा अन्य शिक्षक तथा विद्यार्थीहरुले समेत सक्रिय सहभागिता देखाएर सहयोग गरेको प्राध्यापक राजुवाबु ढकालले बताए ।
_1720278409.jpg)
