धरानः हेलिकोप्टर चढ्न चाहनेहरूलाई अहिलेसम्मकै सबैभन्दा सस्तो प्याकेज भेडेटारमा आउने भएको छ । होटल एसोसिएसन अफ भेडेटारले यही पुस १६, १७ र १८ मा गर्ने भेडेटार फुड फेस्टिभलमा हेलिकोप्टर उडान हुने भएको छ ।
सर्वसाधारणलाई लक्षित गरी यो उडान र फेस्टिभलको उद्घाटन प्रदेश १ का मुख्यमन्त्री शेरधन राईले गर्ने एसोसिएसनका अध्यक्ष जितेन्द्र रुम्दालीले बताए । उनले भने, ‘सिम्रिक एयरसँगको सहकार्यमा ४ हजार ९ सयमै हामी भेडेटार फुड फेस्टिभलको अवसरमा हेलिकोप्टर सफर गराउँदैछौँ ।’
भेडेटार बजार, भेडेटारको सानो पाथीभरा, नाम्जे, ध्वजेडाँडा, साँगुरीगढी, राजारानी र अन्य आसपासको क्षेत्रमा हवाइ अवलोकन गराउन हेलिकोप्टर उडान गर्न लागिएको रुम्दाली बताउँछन् ।
अङ्ग्र्रेजी नयाँ वर्ष २०१९ लक्षित यो हेलिकोप्टर अवलोकनले नेपाली र भारतीय पर्यटकलाई लोभ्याउने रुम्दाली बताउँछन् ।
_1720278409.jpg)
