इटहरीः इटहरीमा अत्याधुनिक सुविधा सम्पन्न भेटेरिनरी अस्पताल बन्ने भएको छ । पशुपन्छीको उपचारका लागि इटहरीमा भेटेरिनरी अस्पतालको भवन शिलान्यास गरिएको हो । बुधबार एक कार्यक्रमको आयोजना गरि इटहरीका मेयर हेमकर्ण पौडेलले अत्याधुनिक भवनको शिलान्यास गरेका हुन ।
किसानका घरपालुवा जनावर बिरामी भएपछि उच्चस्तरिय उपचारका लागि अस्पताल निर्माण गरिएको हो । किसानका घरपालुवा जनावरको उपचारका लागि आधुनिक अस्पताल संचालनमा ल्याउ मेयर पौडेलले बताए । भवन निर्माण पश्चात आफ्नै पालिकामा अस्पताल संचालनमा आए पछि ‘किसानका समस्या सहज ढङगबाट सम्बोधन हुन्छन ।’ मेयर पौडेल भन्छन् ।
२ करोड ६ लाख ८२ हजार १ सय ६५ रुपैयाँ लागतमा तीन तले अस्पतालको भवन निर्माण गरिने भएको हो । सम्झौता अनुसार २०८० साल चैत्र भित्र भवन निमार्ण गरि सक्नु पर्ने छ । भवनमा कृषकहरुको लागि तालिम हल समेत बन्ने छ । कृषकहरुले छलफल तथा कार्यक्रमहरु राख्न सक्ने छन ।
इटहरीका पशु डाक्टर दुर्गा बहादुर श्रेष्ठले अस्पतालमा एक्सरे, अल्ट्रासाउण्ड मेसिनबाट बिरामी पशुको चेकजाँच गरिने छ । डाक्टर श्रेष्ठले भने भवन भने पछि अस्पताललाई ब्यवस्थित बनाएर सञ्चालन गर्ने छौ । ‘अब हामीले किसानलाई गुणस्तरिय सेवा दिन्छौँ, ‘उनले भने, ‘पशुपालक किसानलाई अब सुविधा हुन्छ, किसानको पशु रोगकै कारण रोग पत्ता नलागेर मर्नुपर्ने बाध्यता हटछ ।’
_1720278409.jpg)
