झापाः राष्ट्रपति विद्यादेवी भण्डारीले आज झापाको गौरादहस्थित नमुना कृषि परियोजनाको हवाइ अवलोकन गरेकी छिन् ।
राष्ट्रपति भण्डारीले गौरादह नगरपालिका–५ स्थित महारानीझोडा महिला कृषि सहकारी संस्थामा आबद्ध साना किसानद्वारा प्रवद्र्धित परियोजनाको अवलोकन गरेकी हुन् । १ सय बिघा जग्गामा सञ्चालित सो नमुना कृषि परियोजना स्थलमा गहुँ, मकै र कोदो खेती लगाइएको छ । राष्ट्रपति भण्डारीले परियोजनाको हवाइ अवलोकन गरेकी हुन् ।
परियोजना स्थलमा राष्ट्रपति भण्डारीलाई प्रदेश नं १ का मुख्यमन्त्री शेरधन राई, आन्तरिक मामिला तथा कानूनमन्त्री हिक्मत कार्की, गौरादह नगरपालिकाका नगर प्रमुख रोहितकुमार साह, साना किसान बैंकका महाप्रबन्धक कृष्णप्रसाद लामिछाने लगायतले स्वागत गरेका थिए ।
राष्ट्रपति भण्डारीले आजै झापाको शिवसताक्षी नगरपालिका–४ स्थित चन्द्रडाँगी कृषि फार्मको समेत अवलोकन गरेकी थिइन् ।
_1720278409.jpg)
