इटहरीः विकास बैंकहरुको सूचिमा आफुलाई अब्बल बनाउन सफल गरिमा विकास बैंकको १८ औं बार्षिक उत्सवको अवसरमा इटहरीमा सुक्रबार बृहत्त रक्तदान कार्यक्रमको आयोजना गरिएको छ ।
गरिमा विकास बैंक क्षेत्रीय कार्यालय इटहरी र शाखा कार्यालय इटहरीको व्यवस्थापनमा आयोजना भएको रक्तदान कार्यक्रममा ५९ प्रिन्ट रगत संकलन भएको थियो ।
गरिमा विकास बैंकले आफ्नो १८ औं बार्षिक उत्सवको अवसरमा रक्तदान लगायतका १८ वटा सामाजिक कार्यक्रम देशभरका १८ स्थानमा आयोजना गरेको गरिमा बिकास बैंक क्षेत्रिय कार्यालय इटहरीका प्रमुख दिपेन्द्र पोखरेलले जानकारी दिए ।
इटहरीमा भएको रक्दान कार्यक्रम इटहरी उपमहानगरपालिका वडा नम्बर ६ का अध्यक्ष दिवस पोखरेलको प्रमुख आतिथ्यमा भएको थियो । रक्तदान कार्यक्रममा नेपाल रेडक्रस सोसाईटी इटहरीका अध्यक्ष दिनेश भट्टराई बिशिष्ट अतिथिका रुपमा उपस्थित थिए । कार्यक्रममा उद्योग वाणिज्य संघ इटहरीका अध्यक्ष जीवन पराजुली लगायतको सहभागीता रहेको थियो ।
_1720278409.jpg)
