इटहरीः धरान उपमहानगरपालिका वडा नम्बर २ पुरानो बजारमा डेरागरी बस्ने श्रीमान्ले श्रीमतिको खुकुरी प्रहार गरी हत्या गरेका छन् ।

सुक्रबार दिउँसो १ बजेको समयमा  भोजपुर अरुण गाउपालिका वडा नं  ६ जरायोटार स्थायी घर भई  धरान उप(महानगरपालिका वडा नं  २ पुरानो बजार छेउ स्थित शम्भु श्रेष्ठको घरमा डेरा गरी बस्ने वर्ष ३७ को अमृत रसाईलीले श्रीमतिको हत्या गरेका हुन् ।  कोठा भित्र  २८ बर्षकी श्रीमती सम्झना रसाईलीलाई घरायसी वादविवाद हुँदा खुकुरी प्रहार गरी घटनास्थलमै मृत्यु भएको जिल्ला प्रहरी कार्यालय सुनसरीले जानकारी दिएको छ । घटनाको जानकारी पाउन साथ  तत्काल इलाका प्रहरी कार्यालय धरान सुनसरीवाट प्रहरी अधिकृत सहितको टोली घटनास्थल पुगेर  अमृत रसाईलीलाई नियन्त्रणमा लिएको छ । 

रसाईलीलाई  इलाका प्रहरी कार्यालय धरानको हिरासतमा राखेर आवश्यक अनुसन्धान गरिरहेको जिल्ला प्रहरी कार्यालय  सुनसरीले जनाएको छ ।