काठमाडौंः तीन दशकअघि देखि बिभिन्न खालका हिंसाबाट प्रताडित महिलाहरुलाई संरक्षण दिई सीप सिकाई आत्मनिर्भर बनाउँदै आएको महिला आधारशिला काठमाडौंको आयोजनामा मंगलबारबाट काठमाडौं महानगरपालिका ६ बौद्धमा चार दिने सामाजिक मनोभावनात्मक परामर्श तालिम कार्यक्रम शुरु भएको छ ।
बौद्ध स्थित महिला आधारशिलाकै केन्द्रिय कार्यालयमा रहेको तालिम हलमा शुरु भएको चार दिने सो तालिममा झापा, सुनसरी, सिन्धुपाल्चोंक, काभ्रे, नेपालगञ्ज बाँके, भक्तपुर लगायतका महिला पुरुष गरी २४ जनाको सहभागीता रहेको छ ।
महिला आधारशिलाकी अध्यक्ष तारा उप्रेतीको अध्यक्षतामा मंगलबार भएको तालिम उद्घाटन कार्यक्रममा प्रमुख अतिथिका रुपमा सहभागी महिला सुरक्षा दवाव समूहकी अध्यक्ष इराधा गौतमले गरिन् ।
उद्घाटनपछि बोल्दै अध्यक्ष गौतमले महिला हिंसामा परेका महिला बालबालिकाहरुलाई प्रदान गरिरहेको संरक्षण र उनीहरुलाई सीप दिलाई आत्मनिर्भर बनाईरहेको कार्य ज्याँदै महत्वपूर्ण रहेको बताइन् । राज्यले गर्नपर्ने काम महिला आधारशिलाले विना संकोच ३० बर्षअघिबाट निरन्तर गरिरहनु समान्य कुरा नभएको उनको भनाई थियो । दवाव समूहमा आवद्ध ५० बढी संस्थाहरु मध्ये हरेका गतिविधिहरुमा महिला आधारशिला हालसम्म नै उत्कृष्ट हुँदै आएको बताइन् ।
दवाव समूहमा आउने यौन हिंसा, घरेलु हिंसाका घटनाहरुमा पनि धेरै पिडितहरुलाई महिला आधारशिलाले नै संरक्षण प्रदान गर्दै आएको गौतमले सुनाइन् । बिभिन्न खालका हिंसाबाट प्रताडित भएका महिलाहरुलाई समाजमा सहज तरिकाले स्थापित गराउन सामाजिक मनोविमर्ष परामर्श तालिम महत्वपूर्ण भूमिका खेल्ने बताउँदै आधारशिलाले सो सम्बन्धि तालिमको आयोजना गरेकोमा उनले प्रशंससा गरिन् ।
कार्यक्रममा अतिथिका रुपमा सहभागी काठमाडौं महानगरपालिका वडा नम्बर ६ की वडा सदस्य गायत्री पुडासैनीले वडा नजिकै लामो समयदेखि महिला र बालबालिकाहरुको संरक्षणमा काम गरिरहेको महिला आधारशिलाको कार्यबाट आफु ज्यादै प्रभावित भएको बताइन् । महिला आधारशिलासँग अबका दिनमा आवश्यक सहकार्य गर्ने उनले बताइन् । उनले भनिन् —‘तपाईहरु वडा कार्यालय आउनुहोस्, वडा अध्यक्षसँग भेटगराई छलफल गराई आफ्नो र वडाको क्षमताले भ्याएसम्म हामी सहयोग गर्न तयार छौं ।’
तालिम उदघाटन कार्यक्रमकी संचालिका महिला आधारशिलाकी सल्लाहाकार तथा सामाजिक सीप विकास उद्योगकी कार्यकारी निर्देशक कमला उप्रेतीले महिला आधारशिला आवश्यकताले जन्मिएको संस्था भएको बताइन् ।
आधारशिलाकी निर्वतमान अध्यक्ष समेत रहेकी उनले ३२ बर्ष पार गरेको अवस्थामा संस्थालाई चन्दा होइन, संस्थामा संरक्षण पाईरहनुभएका दिदि बहिनीहरुले उत्पादन गरेका क्वालिटीका सामान खरिद गरिदिनुहोस् भन्दै यूरोपका बजारमा गईरहेको बताइन् । समस्यामा परेका महिलाहरुले सिकेको सीपबाट उत्पादित सामानहरु विश्वबजारमा पुर्याउन महिला आधारशिला लागिरहेको उप्रेतीले बताइन् ।
आधारशिलाबाट सीप लिएर हाल उत्पादन भईरहेका पस्मिनाका सामानहरु गोल्बल अर्गानिक टेक्सटायल्समा रजिष्ट्रर भई सर्टिफाइ भईसकेको उप्रेतीले जानकारी दिईन् । उनले भनिन् —‘महिला आधारशिलामा आवद्ध ३ सयबढी दिदि बिहिनीहरुले उत्पादन गर्नु भएको सामाग्रीहरु विदेशमा आयोजना हुने मेला, महोत्सव र मुख्य बजारहरुमा बिक्रीका लागि जान्छ । त्यही बिक्रीबाट भएको आम्दानीले महिला आधारशिलाले महिला तथा बालबालिकालाई संरक्षण प्रदानका लागि आवश्यक पर्ने खर्च धानिरहेको छ ।’
उप्रेतीले महिला आधारशिला आर्थिक शुसासनमा सधैभरी प्रतिवद्ध गरेकाले संस्थाका हरेक आम्दानी र खर्च पारदर्शी हुने बताइन् । उनले सरोकारवालाहरुले जतिबेला पनि महिला आधारशिलाको सबै खालका क्रियाकलापहरु सहजै हेर्न सक्ने गरि व्यवस्था मिलाएको बताइन् ।
कार्यक्रम व्यवस्थापक देवेन्द्र पराजुलीले सहभागीहरुलाई स्वागत गर्दै महिला आधारशिला ३२ बर्षअघि महिला बालबालिकाको क्षेत्रमा काम गर्ने उद्धेश्यले स्थापनामा भएको सामाजिक संस्था भएको बताए । उनले महिला आधारशिलाको मुख्य उद्धेश्य भनेको जो महिला समाजमा पछाडि पारिएका छन उनीहरुलाई समाज विकासको मूलप्रवाहमा समाहित गर्ने रहेको पराजुलीले बताए । मुख्य उद्धेश्य अनुरुप नै महिला आधारशिलाले ३२ बर्षदेखि निरन्तर बिभिन्न कार्यक्रमहरु संचालन गर्दै आईरहेको पराजुलीले जानकारी दिए ।
तालिमको पहिलो दिन महिला आधारशिलाकी केन्द्रिय अध्यक्ष तारा उप्रेतीले सहभागीहरुलाई सहजीकरण गरेकी थिइन् । कार्यक्रममा इभोसी नेपालका केन्द्रिय अध्यक्ष प्रदिप पोख्रेल बिशिष्ट अतिथिका रुपमा सहभागी भएका थिए । तालिम उदघाटन कार्यक्रममा महिला अधिकारकर्मी साहित्यकार सीता ओझाले महिला आधारशिलाले गरिरहेको असल कार्यका बिषयमा समेटेर लेखेको कविता वाचन गरेकी थिइन् ।
