नयाँदिल्ली: भारतीय राष्ट्रपति द्रौपदी मुर्मुले नेपालका प्रधानमन्त्री बालेन्द्र शाह (बालेन) को सम्मानमा राजकीय भोज आयोजना गर्ने भएकी छन्।

प्रधानमन्त्री शाहको भारत भ्रमणका क्रममा राष्ट्रपति मुर्मुले विशेष सम्मानस्वरूप राजकीय भोज आयोजना गर्न लागेकी हुन्। भ्रमणका क्रममा प्रधानमन्त्री शाहलाई औपचारिक सम्मान प्रदान गर्ने कार्यक्रमसमेत तय भएको बताइएको छ।

कार्यक्रमअनुसार, मंसिर ७ गते बिहान राष्ट्रपति भवनमा प्रधानमन्त्री शाहलाई गार्ड अफ अनर प्रदान गरिनेछ। त्यसपछि राष्ट्रपति मुर्मु र प्रधानमन्त्री शाहबीच भेटवार्ता हुने बताइएको छ।

प्रधानमन्त्री शाह मंसिर ६ गते भारतको दुईदिने राजकीय भ्रमणका लागि नयाँदिल्ली पुग्ने कार्यक्रम छ। भारतीय प्रधानमन्त्री नरेन्द्र मोदीको निमन्त्रणामा हुन लागेको भ्रमणका क्रममा दुई देशबीच उच्चस्तरीय भेटवार्ता तथा द्विपक्षीय छलफलसमेत हुनेछ।

भ्रमणका क्रममा नेपाल–भारत सम्बन्ध, आर्थिक सहकार्य, व्यापार, ऊर्जा, पारवहन तथा हवाई मार्गलगायतका विषयमा छलफल हुने अपेक्षा गरिएको छ। 

प्रधानमन्त्री बनेपछि शाहको यो पहिलो द्विपक्षीय भारत भ्रमण हो। यस भ्रमणलाई दुई देशबीचको कूटनीतिक तथा आर्थिक सम्बन्धलाई थप अघि बढाउने अवसरका रूपमा हेरिएको छ।