फाइल तस्बिर
झापाः प्रधानमन्त्री केपी शर्मा ओली आज एकै दिन झापाका ४ वटा कार्यक्रममा सहभागी हुँदैछन् ।
दमकमा शुरु हुने बृहत बाल महोत्सवको उद्घाटनसँगै अन्य ३ कार्यक्रममा ओली सहभागी हुने भएका हुन् ।
प्रधानमन्त्रीको सचिवालयका अनुसार प्रधानमन्त्री ओली आज बिहान साढे ११ बजे दमक आइपुग्ने छन् । दमकमा आयोजित बाल महोत्सवको उद्घाटनपछि उनी कमल गाउँपालिका–३ केरखास्थित शहीद धर्मभक्त माविमा हुने स्वर्ण महोत्सव समारोहमा पुग्ने छन् । त्यहाँ उनी १ देखि २ बजेसम्म रहने छन् ।
प्रधानमन्त्री ओलीले अपराह्न्न ३ बजे भद्रपुरस्थित मेची नदीमा निर्मित नयाँ पुलको उद्घाटन गर्ने कार्यतालिका छ । त्यस्तै, भद्रपुर विमानस्थलबाट हुने रात्रीकालीन उडानको उद्घाटन साँझ ५ बजे ओलीले गर्ने बताइएको छ ।
_1720278409.jpg)
